Предыдущая публикация
Ууга барбыт нэһилиэктэргэ көмө оҥоһуллар
Халаан уутуттан улаханнык эмсэҕэлээбит Нам, Өлүөхүмэ улууһун олохтоохторугар бүтүн Саха сирэ барыта көмөҕө турунна. Үгүс улуустарга гуманитарнай, харчынан хомуйар пууннар үлэлээтилэр.
Ньурбаҕа Административнай киин иккис этээһигэр Ыччат дьыалатын уонна имидж политикатын управлениета көмөнү хомуйда. 📨 Намҥа — 100 тыһ. солк., Өлүөхүмэҕэ — 80 тыһ. солк.барыта холбоон 180.000 солк. киирдэ. Маны таһынан биирдиилээн дьон, тэрилтэлэр уопсай арыллыбыт Фондаҕа көмөлөрүн ыыттылар.
Бүгүн, ыам ыйын 24 күнүгэр Нам оройуонугар Ил Түмэн депутаттара Владимир Михайлович Прокопьев уонна Георгий Русланович Балакшин Ньурбаттан ыыппыт баһыылкалары уонна материальнай көмөнү туттарыахтара.
📦💊 Кыһалҕалаах дьоҥҥо көмөнү хомуйуу салҕанан барар.
«Ньурба» хаһыат.
Следующая публикация
Нет комментариев