Аксура «Пошла жара. В центре – семья» культура йӗркипе каç иртрӗ.
Ăна "Лето в Татарстане" проектпа килӗшӳллӗн йӗркеленӗ.
Савӑнӑҫлӑ каç пӗрремӗш класа каякан ачасене тата нумай ачаллӑ ҫемьесене чысланичен тытăнчӗ. Пӗрремӗш класс ачисене "Шкула пуҫтарӑнма пулӑш" акципе килӗшӳллӗн ранецсем пачӗç. Район ертӳçипе Ринат Садыков ҫамрӑксен ӗҫӗсен министрӗ ачасене саламларӗç.
Ача ҫуралнӑшӑн пӗр хутчен паракан сертификатсене парас церемони иртрӗ. Илекенсем хушшинче Андрейпа Марина Бикмуллинсем, Николайпа Алена Ярмушкинсем, Евгенийпе Галина Васильевсем, Леонидпа Гульшат Сергеевсем, Евгения Галимова, Юлия Чернова пулчӗç.

Мероприятинче вырӑнти ҫамрӑксен ҫитӗнӗвӗсем ҫине те тимлӗх уйӑрса калаçрӗç. Кукăркӳль шкул директорӗ Наталья Купцова Пӗтӗм Раҫҫейри «Движение Первых» обществăлла организацин конкурсӗн призерӗн Дипломне илме тивӗç пулчӗ. Çамрӑксен политикин хастарӗсене Тутарстан Раисӗн пулӑшуҫинчен Тав ҫырӑвӗсемпе палӑртрӗç.
Татавтодорăн Аксури филиалӗн директорӗ Фанис Сафин хӑйӗн ӗҫченӗсене – Ивановсемпе Писаревсен ҫемйисене Тав ҫырӑвӗсемпе парнесем пачӗ. Уяв каҫӗ вырӑнти артистсен юрри-ташшисемпе вӗҫленчӗ – вӗсем куракансене лайӑх кӑмӑл-туйӑм парнелерӗҫ.