Вучыўся ў царкоўнапрыходскай школе ў вёсцы Нізок, Уздзенскім народным вучылішчы, 4-класным гарадскім вучылішчы ў Стоўбцах, з якога перавёўся ў такое ж вучылішча ў Койданава (цяпер г. Дзяржынск).
Пасля заканчэння ў 1913 г. здаў экстэрнам экзамен на званне народнага настаўніка.
З восені 1914 г. настаўнічаў у пачатковай земскай школе ў вёсцы Мнішаны на Міншчыне.
У жніўні 1915 г. мабілізаваны ў царскую армію для ўдзелу ў Першай сусветнай вайне.
У сакавіку 1916 г. скончыў Гатчынскую школу прапаршчыкаў. Удзельнічаў у баях на Румынскім фронце.
У лютым 1918 г. дэмабілізаваны як настаўнік. Працаваў настаўнікам у вёсцы Каменка на Уздзеншчыне.
У 1920—1923 гг. — камандзір у Чырвонай Арміі.
З 1924 г. зноў настаўнічаў на Уздзеншчыне ў пасёлку Астравок. Вядома, што Кандрат Атраховіч атрымаў званне капітана пад канец вайны.
У 1925 г. пераехаў у Мінск. Быў членам літаратурнага аб’яднання «Маладняк», потым «Узвышша» (з 1926 г.).
Працаваў інструктарам Цэнтральнага бюро краязнаўства пры Інбелкульце (1925г.—1926г.). Скончыў БДУ ў 1930годзе.
У 1932—1936 гг. — загадчык аддзела ў часопісе «Полымя рэвалюцыі». Удзельнічаў у паходзе Чырвонай Арміі ў Заходнюю Беларусь (1939г.), у савецка-фінскай вайне (1939г.—1940г.).
З пачатку Вялікай Айчыннай вайны — у ваенным друку, працаваў у франтавых газетах «За Савецкую Беларусь», «Красноармейская правда».
У 1943—1945 гг. рэдагаваў сатырычную газету-плакат «Раздавім фашысцкую гадзіну».
Нет комментариев