Տղամարդը արարածներից բարձրագույնն է, կինը՝ իդեալներից վսեմագույնը։

Տղամարդը ուղեղ է, կինը՝ սիրտ։
Ուղեղը լույս է տալիս, սիրտը՝ սեր։
Լույսն արգասավորվում է, սերը հարություն է տալիս։
Տղամարդը ուժեղ է մտքի շնորհիվ,
կինը՝ արցունքների։
Միտքը համոզում է, արցունքները՝ հուզում...
Տղամարդն ունակ է ամենայն հերոսության, կինը՝ ամեն մի զոհաբերության։
Հերոսությունն ազնվացնում է, զոհողությունը՝ բարձրացնում։
Տղամարդը կոդ է, կինը՝ Ավետարան։
Կոդն ուղղորդում է, Ավետարանը՝ կատարելագործում։
Տղամարդը մտածում է, կինը՝ երազում։
Մտածել՝ նշանակում է գլխի մեջ ուղեղ ունենալ։
Երազել՝ նշանակում է գլխում փայլատակում ունենալ։
Տղամարդն արծիվ է, որ թռչում է, կինը սոխակ է, որ երգում է։
Թռչել՝ նշանակում է տիրել տարածությանը։
Երգել՝ նշանակում է նվաճել հոգին...
ՏՂԱՄԱՐԴՆ ԱՅՆՏԵՂ Է, ՈՒՐ ԱՎԱՐՏՎՈՒՄ Է ԵՐԿԻՐԸ։
ԿԻՆՆ ԱՅՆՏԵՂ Է, ՈՐՏԵՂ ՍԿՍՎՈՒՄ Է ԵՐԿԻՆՔԸ ..