ՖԱ Լոռի Lori FC

📃 | ՊԱՇՏՈՆԱԿԱՆ ՀԱՅՏԱՐԱՐՈՒԹՅՈՒՆ Ուրախ ենք տեղեկացնել, որ «Լոռի» ՖԱ ղեկավար կազմում տեղի են ունեցել փոփոխություններ։ Արթուր Հովհաննիսյանը նշանակվել է «Լոռի» ՖԱ գործադիր տնօրեն։ Հովհաննիսյանը 2020 թվականի մարտից զբաղեցնում էր Վանաձորի ֆուտբոլի ակադեմիայի տնօրենի պաշտոնը։ Նախկինում Հովհաննիսյանը ղեկավարել է մի շարք վանաձորյան կազմակերպություններ։ Հայտնում ենք նաեւ, որ Վահան Դանիելյանը, որը 2019/20 թթ․ մրցաշրջանի ընթացքում զբաղեցնում էր «Լոռի» ՖԱ գործադիր տնօրենի պաշտոնը, նշանակվել է ակումբի փոխնախագահ։

📃 | Ներկայացնում ենք Ալբերտ Սոլոմոնովի մարզչական շտաբը։ Գլխավոր մարզչի առաջին օգնական է նշանակվել Սերգեյ Չիկիշեւը։ Չիկիշեւը մարզչական կարիերան սկսել է 1995 թվականին։ 59-ամյա մասնագետը երկար տարիներ աշխատել է Մոսկվայի «Դինամոյի» տարբեր տարիքային թիմերում։ Ավարտված մրցաշրջանի երկրորդ կեսի ընթացքում Չիկիշեւը «Փյունիկում» եղել է Ռոման Բերեզովսկու առաջին օգնականը։ —————————— Մարզչական անձնակազմում է ընդգրկվել Վիտալի Ստարովիկը։ 42-ամյա ուկրաինացի մասնագետը մարզչական կարիերայի մեծ մասն անցկացրել է «Չեռնոմորեցում»՝ որպես գլխավոր մարզչի օգնական, գլխավոր մարզչի ժամանակավոր պաշտոնակատար։ —————————— Ռոման Չուպրինան նշանակվել է ֆիզպատրաստության մարզիչ։ 44-ամյա մասնագետն աշխատել է Զապորոժյեի «Մետալուրգո

Լոռի ՖԱ ղեկավարությունը այսօր հյուրընկալվել էր Լոռու մարզպետ Անդրեյ Ղուկասյանին։ Հանդիպման ընթացքում քննարկվեցին Լոռու մարզում ֆուտբոլի մասսայականացմանն ու զարգացմանը նպաստող բազմաթիվ հարցեր։ Ընդգծվեցին ակումբի եւ մարզպետարանի համագործակցության հնարավոր եզրերը։

ՊԱՇՏՈՆԱԿԱՆ ՀԱՅՏԱՐԱՐՈՒԹՅՈՒՆ Հաշվի առնելով Լոռի ՖԱ՝ 22.08.2020թ.-ի գրությունը և առաջնորդվելով ՀՖՖ պրոֆեսիոնալ ֆուտբոլի մրցումների անցկացման կորոնավիրուսի կանխարգելման քայլերի ուղեցույցի հոդված 4-ի 5-րդ կետի, որով նախատեսվում է, որ թիմում 3-ից ավելի ֆուտբոլիստների մոտ վարակի հայտնաբերման պարագայում (միայն PCR թեստի արդյունքներով) տվյալ թիմի հանդիպումը հետաձգվում է, ՀՖՖ ՄԿԱ բաժինը VBET Հայաստանի Պրեմիեր լիգայի 2-րդ և 3-րդ մրցափուլերի՝ Լոռի ՖԱ - Վան և Գանձասար-Կապան - Լոռի ՖԱ հանդիպումները, նշանակված համապատասխանաբար՝ 24.08.2020թ.-ին և 29.08.2020թ.-ին, հետաձգում են:

ՊԱՇՏՈՆԱԿԱՆ ՀԱՅՏԱՐԱՐՈՒԹՅՈՒՆ Ուրախ ենք տեղեկացնել, որ իսրայելցի կիսապաշտպան Ալմոգ Օհայոն Բեն Դավիդը համալրել է «Լոռին»։ 26-ամյա ֆուտբոլիստը կարիերայի ողջ ընթացքում հանդես է եկել հայրենիքում։ Ալմոգը Թել Ավիվի «Մաքքաբիի» սան է, խաղացել է «Հապոել Հաիֆա», «Մաքքաբի Պետահ Տիկվա», «Հապոել Կֆար Սաբա», «Հապոել Կֆար Շալեմ» ակումբներում։ Օհայոնը «Լոռի» է տեղափոխվել Իսրայելի առաջին լիգան ներկայացնող «Հապոել Պետահ Տիկվա» ակումբից։

ՊԱՇՏՈՆԱԿԱՆ ՀԱՅՏԱՐԱՐՈՒԹՅՈՒՆ Ուրախ ենք տեղեկացնել, որ «Լոռի» է վերադարձել Արամ Քոչարյանը։ 24-ամյա կիսապաշտպանը 2019/20 թթ․ մրցաշրջանի գարնանային շրջանն անցկացրել է «Գանձասար-Կապանում»։ Քոչարյանը «Լոռիում» հանդես է եկել 2019 թվականին։ Արամը «Ուրարտուի» սան է, հանդես է եկել նաեւ «Արարատում»։ Քոչարյանը ներկայացրել է Հայաստանի Մ17, Մ18, Մ19, Մ21 հավաքականները։

| ՊԱՇՏՈՆԱԿԱՆ ՀԱՅՏԱՐԱՐՈՒԹՅՈՒՆ Ուրախ ենք տեղեկացնել, որ «Լոռի» ՖԱ է տեղափոխվել ղազախ կենտրոնական պաշտպան Տիմուր Ռուդոսսելսկին։ 25-ամյա ֆուտբոլիստը «Կայրաթի» սան է, հանդես է եկել նաեւ «Ժետիսուում», «Օկժետպեսում», «Կայսարում» եւ իսրայելական «Հապոել Պետահ Տիկվայում»։ Ղազախստանի Պրեմիեր լիգայում անցկացրել է 74 հանդիպում, դարձել մեկական գոլի եւ գոլային փոխանցման հեղինակ։ Ռուդոսսելսկին նաեւ 16 հանդիպում է անցկացրել Ղազախստանի Մ21 հավաքականում։

| ՊԱՇՏՈՆԱԿԱՆ ՀԱՅՏԱՐԱՐՈՒԹՅՈՒՆ Ուրախ ենք տեղեկացնել, որ «Լոռի» է տեղափոխվել Պանամայի հավաքականի կիսապաշտպան Ալեքսանդր Մորենո Մանուել Վարգասը։ 29-ամյա ֆուտբոլիստը հանդես է եկել պանամական «Տաուրո», «Կորիլյո», «Սան Ֆրանցիսկո», «Կոստա դել Էստե» թիմերում։ Նրա վերջին ակումբը եղել է պերուական «Սանտոսը»։ Պանամայի ազգային հավաքականում անցկացրել է 9 հանդիպում, որի ընթացքում հասցրել է կրել նաեւ ավագի թեւկապը։ «Տաուրո» թիմի կազմում Վարգասը մասնակցել է նաեւ ԿՈՆԿԱԿԱՖ Չեմպիոնների լիգային։ Վարգասի հետ կնքվել է մեկ տարվա պայմանագիր։