ВЯЛІКДЗЕНЬ

Прыйшоў праз смутак і малітвы
У ззянні славы дзень Вялікі
І вестку добрую прынёс:
Хрыстос, Сын Божы, уваскрос!
А чым аддзячым Іісусу,
Які адверг усе спакусы,
З крыжом пайшоў сваім шляхом,
Каб нас пазбавіць ад грахоў?
Малітвай, добрай справай, словам
Душа пазбудзецца аковаў,
Каб годнай быць Хрыста ахвяр,
Каб не зняславіць Божы дар.
І радасць, светлая такая,
Палоніць душы, уздымае,
Здаецца, нават да нябёс:
Хрыстос, Сын Божы, уваскрос!