Эркектин ички дүйнөсүндө эмне бар?

Аял өз сезимдерин сөз менен айта алат.
Ал эми эркек…
Эркектин ички дүйнөсү көрүнбөгөн, бирок ичтен катуу үн менен:
“Мен да чарчайм…” - деп кыйкырып турган ааламга окшойт.
Ал көп сүйлөбөйт, бирок көп нерсени сезет. Кээде эч нерсе болбогондой басып жүрөт,бирок ичинде көтөрүп жүргөн оор жүгү бар.
Ал күлөт, башкаларды күлдүрөт…
Бирок ичинен бирөөнүн аны сооротушун күтөт,айта албайт болгону.
Эркектин жүрөгү мына ушул муктаждыктардын толушун каалайт:
• Угулууну каалоо.
Анын сөздөрү көп учурда буйрук же муздак мамиле деп кабыл алынат.
Чындыгында болсо, бир аял аны чын көңүлдөн укканын гана каалайт.
• Урматка болгон муктаждык.
Аялга сүйүү кандай зарыл болсо,
эркекке урмат да ошончолук керек.
Урматты сезсе – тынчтанат,
сезбесе – ичинде сынат,бирок айтпайт.
• Жанында ишене турган аялдын болушу.
Эркек дүйнө алдында дайым күчтүү көрүнүшү керек.
Бир гана аялдын жанында
“күчтүү эмес, жөн гана адам” болуп калгысы келет.
Анын ички дүйнөсүндө аял ойлогондон да көп назиктик бар.
Бирок ал муну сөз менен эмес - кыймылы, унчукпай коюшу, жоопкерчилиги менен айтат.
Ошондуктан кээде эркектин унчукпаганын да угуу керек.