УЗДЕНИЯ

1825-1170 Хар кюнде сагъыш бла къозгъаса, Не этгин сен сюймей Джашауну. Кесинги, аласа да, къолгъа, Кёзледен сюртесе, сен, ауну. Тау башдан келеди къарарынг, Ёргеге, дагъы да энгишге. Чакъырад алгъа да, къадарынг, Аулакъгъа, ой, не да тенгизге. Къууанчха туура этсе бир кёб, Не этгин, сыйламайын, аны. Дуниягъа сыйынмайды джюрек, Джангырыб неге да, ма, ангы. Шам Джашау, сейирсе сейирден. Бир хаджи, бирде уа бир муртат. Биз сени чыкъсакъ да ичингден, Алмай тер, узатмайса бир зат. Сюймейин да, джокъду амалынг, Сен эсенг, нени да,тюз аллы. Деу, бюртюк да кёрмейди тангын, Болурун излемесенг аны. Барма мен, ой барса да, ма, сен. Тюлсе сен манга бир къайдагъы. Кёк барда, джашачы, тур эсен, Аламны, болгъанса, байрагъы! 11.03.92.

1824-1169 Ингирни, боламыд, ингири, Ингирде сорурма мен аны. Не да мен къарарма бир иги, Болмаса, ма бюгюн, тубаны. Кечени, боламыд, кечеси, Кечеде сорурма мен аны. Ол бизге кимденди келечи, Кёбмюдю иги бла аманы. Эртденни, боламыд, эртдени, Танг ала, сорурма, мен аны. Кесине, санаймыды, мени, Менлейин сюемид дунияны. Кюндюзню,боламыд,кюндюзю. Айыблы болурмамы сорсам. Кёз кёрген, ой биз да, юзюгю, Башханы керекмид къозгъасам. 06.03.92. Эр Ёзден.

1822-1167 Тау кёклей, тазады да, джанынг, Сюймейин боламыды сени. Джанынга къурман болсун къаным. Кёрмедим, сенича, бир джерни. Кёрмедим, сенича, бир джерни. Тюшюмде да, кёрмедим, ийнан. Сенсиз, мен, болгъанчама эки. Сенде уа, болгъанчама бий-хан. Сенде уа, болгъанчама бий-хан, Сагъышым, джарсыу да менден тас. Ой барды, айтмаз кибик, бир дам, Кюн-кюнден болгъанчама мен джаш. Кюн-кюнден болгъанчама мен джаш. Хар кюнюм баргъанчады ызгъа. Ёмюрлюк болгъанчады къарнаш. Булгъаннганча эс да, ма джыргъа. Тау джуртум, кемсизди къууатынг. Сюймейин боламыды сени. Джанынга къурман болсун къаным. Баланглай, бир кёрчю, сен мени. 05.03.92. Сапар Ёзден.

1820-1165 Эри: Ханымсат, Турчу, джаным, ийнегинги сауа кир. Кюн батад, Ол сютсюзню сюрюучюге бир джетдир. Меннге да, Берсенг эди къарын толур бир суусаб. Ненге да, Сора, тейри, табмаз эдим мен джууаб. Къозгъалчын, Сауутунгу, юйюнгю да, джарыкъ эт. Уянчын, Суу бюркгенлей, тёгюлюбдю харакет. Къатын: Алимбий, Ол ийнекни кесинг къыста сюрюуге. Хоншубий, Малын къыстаб, эртде киргенд юйюне. Сен да, тур, Джастыгъынга, тиширыугъа къысыла. Сен хонтур, Ары джыйчы, къол кибикни, ызына. Эр тюлсе, Бир зат бла да джеталмайса кёлюме. Кёрюрсе, Мындан ары, джууукъ ийсем кёзюме. Кесинг тур, Тар джатмангы, юй тюбню да, тазала. Отну къур, Ашны табдыр тауукълагъа, къазлагъа.. Джатмада, Джан тартады джарлы ийнек болуб ач. Табхада, Сауутланы, букъу басханд юч къулач. Юйге да, Джунчумайын, хайыуан да, киралмаз. Неге да, Этерчады, налат – айыб, тауукъ – къаз…. Ханымсат, Джити къарай, кёз – къаш берди эрине. Къан къыза, Къалтакъбашны къаты къысды кесине. 01.03.92. Сапар Ёзден.

1821-1166 Кечеле болгъалла къысхаракъ. Сагъышла да, бары да, алай. Кесекчик, айтсам а къатыракъ, Дуниягъа, ой тюлме алгъынлай. Тюздю бу, болгъанма энди къарт, Тамбладан да, тюлме, умутлу. Хар эшек болгъанды да бир ат, Ызына этелмейме муну. Энди мен болгъанма бир къутсуз. Ариуну да, келмейд кёрюрюм. Эм асыл да, энди, бир учуз, Терсейиб барады тюзлюгюм. Джашауну билсем да багъасын, Бир чёпге санамайма кёлюн. Шо, бирчик, кёрсемед анасын, Нек салгъанса дер эдим ёшюн. Ызынгдан, алдан да бир муртат, Къуршалаб кюндюз бла кеченги. Минерге, излей эсенг, сен ат, Къой атны, табмазса эшекни. Хар бир зар минер да учакъгъа, Башымдан къарайдыла кюле. Онг джаным, солум да къуубашла, Къаргъала, не, эм да тюлкюле. Алай а, турсам да, былайлай, Аладан, болурма эслирек. Эй, мынга, разылла кюн бла ай. Мен джуртну сюеме бегирек. Мен тинтгенме хар нени ичин. Билеме, кимденди табигъат. Аламны, эште билиб, тилин, Ол тилде джазгъанма мен китаб. Болмаса уа, бу джумуш ёкюл, Кесиме, билеем, этерни. Кёрюрге, табмаз эди, ёмюр, Ич джанын сайлар эдим джерни. Кесекчик, айтсам а, къатыракъ, Дуниягъа, ой тюлме алгъынлай. Кесиме да, тюлме, сагъыракъ, Кюн – кюнден, барама абзырай. 02.03.92. Эр Ёзден.

1819-1164 Юнюс Эмреге Хариб, къалкъыгъанды джырчы. Тюшде ол кёреди китаб. Элли да болгъунчу джылы, Эси да, кеси да, бир къарт. Хариб, къалкъыгъанды джырчы. Джокъду бир шай ачхасы. Болса да кёкню джалчысы, Джаланды джаны, аркъасы. Хариб, къалкъыгъанды джырчы. Арыбды, арыбды, Тейри. Кюйгенд, сагъышдан, асыры. Кюнюча, мыдахды бети. Хариб, къалкъыгъанды джырчы. Тиймегиз, къой, къалкъысын. Тюшде уа, башхад дуниясы, Тинтеди кёкню къатларын. Хариб, къалкъыгъанды джырчы, Билинмей сауу – ёлгени. Болса да, джашау джол, гырхы. Биледи, Аллахд, нёгери. 01.03.92. С. Ёзден.

Борода, тубетейка, платок - это не показатель веры! #shorts

1818-1163 Баралла адам бла эшек. Баралла салыб базаргъа. Эшек сагъышлыды бир бек, Табсызды,тейри,джашаргъа. Эшек аралыбды джерге, Излеб, кирирге бир тешик. Къамчи уа, тиеди, бирде. Азабды, тейри, джесирлик. Адам аралыбды кёкге, Кёрлюкча, анда, мёлекни. Тийишмейди, бир да, чёпге, Этсе да кесин кётенли. Базар кюн келе да – кетед, Оза бир ыйыкъ арада. Сатылмайын бир да эшек, Дагъы да барад базаргъа. Былай бла, кёбге чыдамаз, Эшек тауусады хырын. Ой тюлдю да, бу да, Камаз, Къамчи къанатады сыртын. Эшек сагъышлыды бир бек. Кюч джокъду барырча алгъа. Этсе да къаргъыш, не тилек, Кишенди иблис аякъгъа. 01.03.92. Сапар Ёзден.

1817-1162 Кишиге да, бермегенди, къайгъы къанат. Къанат берген, къууанч бла кюлкюдю. Былай эте, джарлы джырчы, тангынг атад. Джарлылыкъ да башхаладан тюрлюдю. Къойчу барын, къыйналсанг да, сен да ышар, Сагъышланы, табсызларын, ат эсден. Буйюрулгъан, былай эсе сеннге къадар, Умут болуб, бир джукъ къойма эскиден. Ол мен сюйген сюймейди деб, сансызды деб, Бир бош къайнайд, ма бу ишге джюрегинг. Къыйналмачы, джашау тубан къалынды деб. Ой, джокъду деб, кёз туурамда сюйгеним. Керек болса, сенден къачхан, санга къайтыр, Джерде барды, эй, аллай да, бир джорукъ. Бир къыз ючюн, хомух болма, башны къайыр. Аз-буз къалдынг, болуб къалгъа къозуллукъ. Мыдах болма, бойну салчы, сен, къадаргъа. Таукеллик да, къанат кибик, бир затды. Терен къараб, алгъыш айтчы, хар алмашгъа. Чакъгъан агъад, ол акъгъан да чагъады. 29.02.92.Сапар Ёзден.