Շնորհավոր - նշանակում է մաղթանք, որ մեկը շնորհներով լցվի: Իսկ շնորհ նշանակում է ձրի պարգև Աստծուց: Այսօր Աստվածամոր Ավետման օրն է: Այսինքն այն օրը՝ երբ Գաբրիել հրեշտակն Աստվածամորը հայտնվեց ու ավետիս տվեց, որ նա Տեր Հիսուս Քրիստոսին է ունենալու: Այստեղից էլ գալիս է Ավետարան բառը: Այսինքն բարի լուր: Սիրելի մայրեր, կանայք ու աղջիկներ: Մաղթում եմ, որ բոլորդ լցվեք Աստվածամոր շնորհներով, որ կնոջ երանելի չափանիշն է: Հագնվեք իր պես շնորհքով, խոսեք իր պես շնորհքով, գործեք իր պես շնորհքով, մտածեք իր պես շնորհքով, ու Տեր Հիսուս Քրիստոսին նվիրվեք իր պես շնորհքով: Այսօր նաև մայրության տոնն է։ Երանի մեր մայրերն ավելի շատ երեխանր ծնեն ու աբորտով չսպանեն իրենց սեփական զավակներին։ Սիրելի մայրեր, հրաժարվեք այդ հրեշավոր մեղքից, այլ հակառակը, ավելի շատ զավակներ ծնեք, քանի որ ամեն մի զավակ օրհնություն է Տիրոջից։ Հատուկ ու նոր օրհնություն։