Предыдущая публикация
Киин библиотека "Мин тэрилтэм-мин киэн туттуум" бырайыагынан Таатта улууһун ойуурун хаһаайыстыбатын устуоруйатын кэпсиир "Таатта ойуурун харыстабылыгар" кинигэ тула сэргэх сэһэргэһии буолан ааста.
Кинигэҕэ чээлэй күөх айылҕабытын харыстыыр араас хабааннаах үлэлэрин, тэрилтэҕэ үлэлээн ааспыт дьоннорун, эмиэ да мүччүргэннээх сырыыларын ахтан-санаан аастылар. Урукку кэмҥэ тэрилтэни салайбыт, бэтэрээн Степанов Геннадий Мартынович, тэрилтэҕэ үлэлээбит үлэ бэтэрээнэ Сизых Анатолий Егорович, ойуур маастара Евгений Егорович Данилов уо.д.а. сыралаах үлэ түмүктэнэн кинигэ буолан тахсыбытыгар Борисова Ольга Робертовна салалтатынан үлэлэспит дьоҥҥо дириҥ махталларын тиэртилэр. Дириҥ ис хоһоонноох, тупсаҕай кинигэ улууспут устуоруйатыгар урут сырдатыллыбатах салаа сурулунна. Бэйэтин үлэтин толору баһылаабыт эдэр салайааччыга Уранаев Петр Анатольевичка тэрилтэтин туһунан үйэлээх кинигэни өйөөн таһаартарбытыгар бары махтанан тарҕастылар.
02:14
Следующая публикация
Нет комментариев