«Тойук» норуодунай фольклорнай ансаамбыл

45 сылыгар аналлаах көрсүһүү киэһэтэ.
Дьокуускай куорат олохтоохторугар уонна ыалдьыттарыгар Саха сирин норуоттарын муусукатын уонна фольклорун түмэлэ “Тойук” ансаамбыл тэриллибитэ 45 сылын бэлиэтиир төгүрүк остуоллаах, маастар кылаастаах көрсүһүү киэһэтин биллэрэр.
Ансаамбыл 1980 сыллаахха Республикатааҕы норуот айымньытын дьиэтигэр Толбонова Надежда Семеновна салайыытынан тэриллибитэ.
Сылтан сыл үөрэнээччилэрэ, уһуйуллааччылара элбээн “Тойук” ансаамбыл кэҥээн испитэ. Бу сыллар усталарыгар үгүс иитэр-үөрэтэр үлэлэри ыытан, кумааҕыга тиһэн, үйэтитэн, араас хабааннаах күрэхтэргэ кыттан ситиһиилэрэ элбэх.
“Тойук” ансаамбыл тэриллиэҕиттэн үтүмэн үлэни ыыппыт, өр кэмнэргэ салайбыт СӨ култууратын үтүөлээх үлэһитэ, СӨ профессиональнай үөрэҕирии сайдыытын үрдүк бэлиэтин хаһаайката - Галина Гаврильевна Федорова ансаамбылы ахтан–санаан ааһарга, тойуксуттар кэккэлэригэр маастар кылааска кыттарга дьонун-сэргэтин ыҥырар.
Буолар күнэ-дьыла: кулун тутар ый 28 күнэ
Буолар бириэмэтэ: күнүс 15:00 чаастан
Буолар сирэ: Киров аатынан уул. 31№-дээх дьиэ (3 этээс)
Билсэр нүөмэргит: 35-38-84