Оҳу кўзли, киприги нам,
Десалар эҳ қоши қалам,
Рашким келиб, қилар алам,
Жанонамга ўхшайсана.
Бир мен учун фидо бўлган,
Ишқдан куйиб адо бўлган,
Ҳаммасидан жудо бўлган,
Парвонамга ўхшайсана.
Нураб тушган қоялардек,
Эгаси йўқ соялардек,
Дард туғдирган доялардек,
Сарсонамга ўхшайсана.
Сўраб борсам аҳволингни,
Бир кўрай деб руҳсорингни,
Силаб юздаги ҳолингни,
Хайронамга ўхшайсана.
Эҳ кўнглима тақдир кулган,
Деворлари нураб бўлган,
Ўргамчаклар инин қурган,
Вайронага ўхшайсана.
Бормикан мендек ғариб,
Бир тугун дард кўтариб,
Юрган чора ахтариб,
Девонамга ўхшайсана.
Унутмай хеч Камронини,
Дардларга берган жонини,
Махкам қучган армонини,
Жанонамга ўхшайсана.
Кулгулари армон бўлган,
Қаро кўзи ёшга тўлган,
Гулдек умри ҳазон бўлган,
Жанонамга ўхшайсана.
Қўй энди мени суйма,
Суйиб ишқимда куйма,
Кейин пушаймон қилма,
Армонимга ўхшайсана.
Оҳу кўзу, кипригинг нам,
Сени кўриб, босмоқда ғам,
Севгим ҳаққи ичай қасам,
Жанонамга ўхшайсана.
Присоединяйтесь к ОК, чтобы подписаться на группу и комментировать публикации.
Нет комментариев