.
Нишонингман мўлжалга олган,
Кўзлар қурол, нигоҳлар ўқда.
Сени севиш мумкин эмасу,
Севмасликнинг иложи йўқда!
*
Ошиқларим юлдуздек сероб,
Ҳеч биридан кўнглим тўлмайди.
Юрак гиёҳ, сен мисли офтоб,
Сени севмай яшаб бўлмайди!
*
Гар бўлмасанг етмайди нафас,
Ишқинг менга ҳаволар берсин!
Бошқа ҳеч ким сендек бўлолмас,
Бошқалари тошини терсин!
*
Сенга тушган заҳоти кўзим,
Балоларга роса қолганман!
Ўз жонимга азобни ўзим,
Теп-текинга сотиб олганман!
*
Ҳийлаларинг бериб роса иш,
Қалбим юртин айладинг ишғол.
Лек сенда ҳам бор оғир юмуш,
Қамалдасан сен ҳам билиб ол!
*
Ўзинг чўғга қўлинг солгансан,
Тақдирга тан бергин, илтимос.
Сен шунчаки ёқиб қолгансан,
Меникисан шунчаки ҳолос!
*
Малика Тавфиқ
@Malika_Salimova_sheriyati
Присоединяйтесь к ОК, чтобы подписаться на группу и комментировать публикации.
Нет комментариев