Իսպանական AS-ը փորձել է պարզել, թե ինչ կազմ են նախընտրում Մադրիդի «Ռեալի» երկրպագուները առաջիկա Չեմպիոնների լիգայի 1/8 եզրափակչի «Նապոլիի» հետ պատասխան խաղի համար:Հարցման արդյունքները ցույց են տվել, որ մադրիդյան գրանդի ֆաների 77%-ը չեն ցանկանում խաղադաշտում առաջին րոպեներից տեսնել BBC-ի հարձակվողական եռյակը:Լա լիգայի 26-րդ տուրում «Ռեալը» խաղադաշտ էր դուրս եկել առանց Ռոնալդուի ու Բեյլի, և կարողացել էր վստահ հաղթանակ տանել ՝ 4:1: Բացի այդ, իր հաշվին դուբլ գրանցեց Կարիմ Բենզեման:Ավելացնենք, որ պատասխան խաղը «Նապոլիի» և «Ռեալի» միջև կկայանա մարտի 7-ին (առաջին հանդիպման արդյունքը ՝ 1:3):