Бугунги шовқин-суронли бозорда маҳсулотингизни қандай сотасиз, бошқалардан қандай ажралиб турасиз?

Тушунишингиз керак бўлган биринчи нарса бу – одамлар мантиққа, логикага таяниб ҳарид қилишмайди. Инсон руҳияти шунақа, у ҳис-ҳаяжонга берилиб қарор қабул қилади, кейин эса қилган ишидан мантиқ излайди. Ҳарид қилишда ҳам ҳудди шундай.
Ўзингиз учун сотиб олган ёки олмоқчи бўлган нарсаларингиз ҳақида чуқурроқ ўйлаб кўринг. Нима учун айнан шу нарсани сотиб олмоқчисиз? Янги кийим, мошинами ёки янги уй-жой бўлсин, аслида сиз ҳис-туйғуни сотиб оласиз. Сабаблари хар ҳил бўлиши мумкин: мақтаниш учун, очкўзлигингиздан, замонда орқада қолмаслик учун, уялганингиздан, қўрқувдан, раҳмингиз келганидан ёки ҳайрия учун. Қанақа сабаб бўлмасин кўпинча бу туйғуларга боғлиқ бўлади.
Демак, биз матиққа асосланиб эмас, туйғуларимизга таяниб ҳарид қиламиз. Бирон нима сотмоқчи бўлганингизда, ўйлаб кўринг, сиз фақат маҳсулотингизнинг афзалликларини мақташга урғу бераяпсизми, ёки мижозингизнинг ҳис-туйғуларига? Эмоционал нуқталарга кўпроқ эътибор қаратинг.
Яна бир эътиборли тарафи, одамлар маълум бир махсулотларни эмас, муаммоларига ечим излашади. Масалан, дўкондан дрель сотиб олаётган одамнинг асл мақсади – дрель сотиб олиш эмас, девор тешиш.
Хўш, сиз ўз мижозингизнинг қандай муаммосини ҳал қилиб беряпсиз. Сизнинг даромадингиз – мижозингиз муаммоларини қанчалик чуқур ҳис қилишингизга тўғридан тўғри боғлиқ. t.me/innovatoryuz