Ҳар бир ишни Аллоҳ кўриб тургани учун қилишлик, ҳар бир ишга Аллоҳдангина мақтов,ажр,савоб кутиб қилиш, қалб доимо Аллоҳдан қўрқиб туриши~ИХЛОСдир
Кўп яхши амаллар қиламиз, лекин уларни аксари одамлар учун бўлади
Мақташса қувонамиз, маломат қилинсак қайғуга ботамиз, лекин даъвоимиз "АЛЛОҲ УЧУН" бўлади
Амалларингизни~Ёлғиз кўриб турган Зотга махфий топширинг
Гунохларингиздан~ Ёлғиз гувох бўлиб турган Зотга тавба қилинг
Аллоҳ билан "тижорат" қилган куймайди, зарарга кетмайди
Ердаги инсонлар ўзларига бирор яхшилик келтириб, бирор зарарни кеткиза олмаслар, сизга ниманиям бера олишар эди, сиз улардан ҳеч нима кутманг
Ҳар амални ихлос билан фақат Аллоҳ учун,
Аллоҳ мана шу амалингиздан қувониши учун қилинг, рохат топасиз
Ҳеч қачон унутманг,
сизни УЛУҒ қилувчи ҳам
Ёки ХОР қилувчи ҳам,
сирли амалларингиз бўлади!
Аллоҳдан бошқа ҳеч ким билмайдиган яхши амаллар қилиб олинг, Аллоҳга сирли амалларингиз билан яқинлашиб олинг ~АЗИЗ қилади
Ҳеч ким кўрмаган жойда яширин гунох ишлар қилишдан сақланинг, Аллоҳ очиб ташлайди~ ХОР қилади
Инсонлар наздида "ХУРМАТЛИ"
лекин Аллоҳ наздида БЕХУРМАТ қиладиган кундан сақланинг
Ким Аллоҳ учун амалларни ихлос билан қилса, сўнг қабул бўлармикан деб йиғлаб юрса, демак, уни амалларида ихлос бор, яқинда рохат топади
Ким одамларни эътиборини, мақтов, олқишини кўзлаб амал қилса, яқинда шарманда бўлади.
Аллоҳим, Сендан, сирларни ошкор қилувчи ўлим соатидаги ёмон нихоядан панох сўраймиз
Аллоҳим, ҳаётимизни барини, Сени амрингда Сени розилигингда қилгин
Бир сонияга ўз нафсларимизга ташлаб қўйсанг,
биз, бандаларинг розилигини излаб, тубанлашиб, Сендан йироқлашиб кетамиз
Бизни гўё зохир "пўчоқларимиз" мусулмону,
ботинимиз қалбимиз эса иккиюзламачи мунофиқ бўлиб кетади
Одамлар хузурида мақталишни қалбларимизнинг орзуси қилма Аллох
Одамлар кўзида катта катта амаллар қилиб,
Сени хузурингда ҳеч вақосиз қолувчи муфлис қулларингдан қилма
Амалларимиз, ҳаётимиз, мамотимиз ~Ўзинг учун бўлсин Роббим
Қабрда рохат ҳаёт топувчилардан қил бизларни Роббим..
Присоединяйтесь к ОК, чтобы подписаться на группу и комментировать публикации.
Нет комментариев