🌊🌊🌊ARAL ELEGIYALARI🌊🌊🌊

Tasi'wdan awi'llar jawrag'an gezde,
Buri'n qurban bergen da'rya, ten'izge.
Qayti'p berer bolsa Araldi' bizge,
Jandi' qurbanli'qqa bergim keledi.
Toy tarqag'an alan' yan'li' a'tirap,
Jag'i'sta awi'llar jetim qalg'anday,
Suwsi'z bali'qshi'ni'n' isi pati'rat,
Kemesi ko'shkisiz ketip qalg'anday.
Soni'n'day ma'rt yedi bunda adamlar,
Dawi'l ha'm tolqi'nda si'nnan o'tkendey.
Xosh kewili, eden edi adamlar,
Bekire kespelep qonaq ku'tkendey.
Qi'sta muzdan-muzg'a sekirer edi,
Dawi'lda ko'k tolqi'n o'kirer edi.
Shadli'g'in' ruwhi'n', bekirelerdi
Endi ba'rin birew urlap ketkendey.
I. Yusupov