Զինեդին Զիդանն իր մարզչական նորամուտը կնշի «Ռեալի» առաջին թիմում «Դեպորտիվոյի» հետ հանդիպմանը: Ֆրանսիացին մամուլի ասուլիսի ժամանակ անդրադարձել է իր մտադրություններին:

Կրիշտիանու Ռոնալդուի մասին.
«Նա ոչ միայն ուղղակի չի վաճառվում, այլև հանդիսանում է մեր սիրտն ու հոգին: Ես ծիծաղում եմ, որովհետև քանի դեռ ես այստեղ եմ, նա ոչ մի տեղ չի գնալու»:
Իր տպավորությունների մասին.
«Թիմն ամբողջապես կենտրոնացած է և լավ աշխատանք է կատարում: Երեք մարզումները, որ մենք անցկացրել ենք, միայն լավ տպավորություն են թողել և´ ինձ, և´ հատկապես նրանց համար»:
Կիսապաշտպանության մասին.
«Ես ոչինչ չեմ պատրաստվում ասել: Կիսապաշտպանական գոտու 3 ֆուտբոլիստ վաղը կլինեն հիմնական կազմում, մնացածը կտեսնենք վաղը»:
Խամեսի ու Իսկոյի մասին.
«Նրանք շատ լավ և կարևոր ֆուտբոլիստներ են: Իմ աշխատանքը նրանց աջակցելն է, նրանց հետ զրուցելը, նրանց ասելը, որ այն, ինչ ինձ համար իսկապես կարևոր է, թիմն է, որ որոշ ֆուտբոլիստներ ակնհայտորեն ավելի շատ են խաղալու, քան մյուսները, բայց ես պետք է ցույց տամ, որ թիմն ինձ համար ամենակարևորն է: Սա է իմ փորձը որպես ֆուտբոլիստ»:
Դոմենեկի մասին.
«Ի՞նչ կարող եմ ասել. նա ունի իր տեսակետը, և դա հրաշալի է: Նա լավ գիտի, թե ես ինչ եմ մտածում իր մասին, և ես ավելացնելու ոչինչ չունեմ: Եկեք պարզապես շրջանցենք այդ թեման, քանի որ կարևորագույնը խաղի վրա կենտրոնանալն է»:
Հունվարի տրանսֆերային պատուհանի մասին.
«Ես չեմ ցանկանում, որ որևէ մեկը հեռանա, և հույս ունեմ՝ այդպես էլ կլինի: Ինչ վերաբերում է ձեռքբերումներին, ապա այդ մասին դեռևս չեմ մտածել. ես ունեմ հրաշալի թիմ ու կաշխատեմ այն կազմով, որն ունեմ իմ տրամադրության տակ»:
Հունվարի ծրագրերի մասին.
«Մենք իսկապես պատրաստվում ենք ջանասիրաբար աշխատել, քանի որ մինչև փետրվար շաբաթական միայն մեկ խաղ ենք անցկացնելու, և մենք պետք է օգտվենք դրանից»:
BBC-ին ավելի շատ պաշտպանական գործողություններում ներգրավվելու մասին.
«Մենք ամբողջ թիմով ենք պայքարելու, երբ գնդակը մրցակցի մոտ լինի: Չենք կարող թույլ տալ, որ երկու կամ երեք ֆուտբոլիստներ չպաշտպանվեն»: