«Մանչեսթեր Սիթին» վաղուց նախապատրաստվում է առաջարկով դիմել «Ռեալին» Իսկոյի տրանսֆերը գնելու հարցով: Անգլիական ակումբը մտադիր է հունվարի ընթացքում կատարել առաջարկը:

Ինչպես հայտնում է «Goal.com»-ը, «արքայական» ակումբի նորանշանակ գլխավոր մարզիչ Զինեդին Զիդանը կխոչընդոտի հավանական տրանսֆերը, քանի որ ցանկանում է մինչև ամառ թիմում պահել ներկայիս բոլոր խաղացողներին:
Ավելի վաղ Իսկոյին ձեռք բերելու ցանկությունը հայտնել էր «քաղաքայինների» գլխավոր մարզիչ Մանուել Պելեգրինին, ով «Մալագայում» աշխատել է ֆուտբոլիստի հետ: Նշենք, որ իսպանական ԶԼՄ-ներում շրջանառվում էր այն տեղեկությունն, ըստ որի՝ 23-ամյա ֆուտբոլիստը դուրս է Ռաֆայել Բենիտեսի ծրագրերից:
Հավելենք, որ Իսկոն Իսպանիայի ընթացիկ առաջնությունում 13 հանդիպման է մասնակցել՝ դառնալով 1 գոլի և 3 գոլային փոխանցման հեղինակ: