Бор алам андуҳлар келса бошинга
Не замон барини ичга ютарсан
Нега дарвозадан келмайсан бери
Айт она бунчалар кимни кутарсан
Менми?
Меними, оҳ?
Мен ношутни-я?
Ахир сенга атаб гуллар термадим
Аёлимга бердим бор-у ёʻғимни
Сенга ҳаттоки бир рўмол бермадим.
Ёруғ кўчаларда юрдим тентираб
Аллоҳдан бахтимни сўраб тинмадинг
Ўзинг музласанг ҳам совуқ кунларда
Жонимни пахтага ўраб тинмадинг
Отамдан яшириб пул тутар единг
Без едим индамай кетардим олиб...
Қўлимга тутганинг каммиди она
Жонингни сўмкамга қўярдинг солиб
Сен мени кўкларга кўтарган чоғлар
Ҳокисор кўнглингни тупроққа қордим
Дўст-у улфатлардан ортишиб қачон
Иссиқ нон кўтариб қаршинга бордим
Шоирман маъноли шеърлар ёзаман
Улфатлар ичида обрўйим баланд
Сулув санамларнинг кўнглини олиб
Лек сени бир марта қилмадим хурсанд
Шунда ҳам эркалаб "болам" дейсан-а?
Боланг бўлиб нафим тегмади сенга
Сен учун нимага тайёрман билмам
Лек боринг беришга тойёрсан менга.
Присоединяйтесь к ОК, чтобы подписаться на группу и комментировать публикации.
Нет комментариев