Предыдущая публикация
Одам маблағ нимага кераклигини билса, қандай яхши!
Шуниси ёмонки, пул ҳамма нарсани ўлчаш кўрсаткичига айланиб қолиши мумкин. Ёки уни йиғиш мақсадга айланиб, кишини ўзига бўйсунтирса, бундан ёмони йўқ. Ёдингизда тутингки, пул ҳаётда уни муҳим деб санамайдиганларга кўпроқ бахт келтиради. Пулга бўлган муносабат болаликдан бошланади. Ота-онамиз ундан қандай фойдаланишга йўл қўйиб берган бўлса, пулга муносабатни шундай қабул қиламиз. Болаларингиз келажакда молиявий танқисликка дуч келмасликлари учун уларга пулни яхши ва фойдали, деб қарашга (албатта, бунда уларни бурчакка турғазиб қўймасдан!) ўргатиш керак. Боланинг олдида пул ҳақида ёмон маълумотлар келтирманг, агар манфаатпараст кишилар ҳақида сўз юритмоқчи бўлсангиз, уларнинг ёмон иллатини пардалироқ қилиб тасвирланг. Бунда сиз одамнинг бойликка ёпишиб олганига шаъма қилинг, лекин пулни яхши кўриш ёмон эканига эмас.
Следующая публикация
Нет комментариев