Росдалазул х1акъалъулъ х1алуцараб дир калам:

Квеш бугеб жо буго бич1ч1и дагьаб нафс, Дандерижи гьеч1еб дур анищазе, Гьезул хассаб къукъа къецен рек1елъгин, Рекъон х1алгин руго х1аллъаларев дуй.
Х1иллаби нахъасан х1ели цебесан, Х1арамзадай руго росулъ таманал. Эбелгин лъимеран росуги мунги, Х1исаб гьабурав мун гьаз восун гьеч1о.
Т1инч1гин эбел киса росуги мунги, Ракьагин гьой руго, гьабсаг1аталда. Къасикъад росуян эргъелев мунги, Дуде гъибаталъе данделъун алги.
Гьезда лъан ч1ег1ерт1анк1 т!ад гьеч1илан мун, Гьеч1ебщинаб рогьо гьездасан дуде. Динул Исламалде ал ах1улев мун. Мун къосун вугилан къват1азда алги.
Т1арикъаталде ал рег1улев мунги, Мун г1арцухъ вичизе чи ц1ехолел ал. Азий г1оло гъоркье ч1ч1езе ургъун мун, Мал т1асан бахъине нахъ къаларел ал.
Рукъалъул агьлулъун ал халгьарун мун, Мун гъорлъан камураб, канлъийилан ал. Эбелалъул лъимахъ г!адаб рак1гин мун, Г1алхуда саяхъго свердулел алги.
Росуго дурилан ургъалида мун, Мун росулъа гурин руго г1емерал. Росдалалги ц1унун ц1адав унев мун, Ц1адуда гъезелъун лъалк1 ккун алгоги.
Г!адамазе г1оло рух1 бичулев мун, Мун вичун кепкалан пикрабазда ал.
Кинаб къимат кьелеб росдайги дуйги? Санаг1ат рекъеч1еб къаг1ида бугел. Мекъи гуреб бич1ч1и дур ахалъ гьеч1ел, Гьазда щиб бицинеб багьал ццулъарал?
Дир рахъалъан мухъал хъван аралда т1асан.
Борцунел г1аксалда дур рек1ел бух1и,Бичас бит1аралде т1орит1аги ал. Т1асан босун аги иблис Аллаагьас, Азул бераздасан канлъи босараб.
Камиллъаги бич1ч1и бицен ккаразул, Бит1араб лъик1алде рак1ал гьесаги. Хасго инсаниял иблисал рич1ч1ун, Эзий мустах1икъаб къимат гьабеги.
Къокъ гьабун бицараб бич1ч1ун г1ат1идго,
Г1умру галадич1еб ч1агояб кьеги. Ч1ах1иял давлаби дунял-ухраялъ, Дандч1айги дир рек1ел гъварилъулазе.
Лъач1ел раг1ич1елцин вацал диналъул, Гьидаят гьареги х1акъикъаталде. Х1акъаб бит1аралда бакъул дунялго, Рекъаги даималъ дин сах1их1азе.
Дир рак1алъул бух1и х1айни к1вар гьеч1о, Х1акъикъияб нухде халкъ т1обит1аги. Хведерлъунцини дун рик1к1ич1ониги, Расулги сабаблъун Бичасде щвайги.
Щиб сабаб рекъонги инсаналги тун, Аллаагь кквезе г1акълу г1ейги дуеги. Г1акъуба рак1алъе гьабулездасан, Гьардарас вачаги Жив хасс гьавизе.
Т!ад гьабич!**** тана тавбуги гьабун:
К1иго улкаялда гьоркьоб кьал ккедал, Дирилан цояб рахъ кколаан дица. Ццидалъ восулаан соролеб х1алалъ, Асир дун восараб х1исабги гьабун.
Х1аллъизе лъугьани лъик! бихьаралда, Релъеда макьилгин кьалцин кколаан. Кьалда икъвал ккани "ккуралъе дица" Бицунаан рохел нухлулаздецин.
Дора Западалда рагъда камурал, Рак1алъ къот1улаан т!аг1анин вацал. Вьетнам Кореялда гьабураб гьунар, Гьудуласе икъвал бук1ана дие.
Дида лъалароан дунял Бижарас, Даг1баялъе лагъзал дандч1вазе гьари. Рижарас рагъазде риччарал щайзе, Щибали цо мурад батилин теч1о.
Бергьен цоязе кьун къей цоязе тун, Къудратав гъорлъ лъугьин лъанго бахъич1о. Баянлъич1о дие дунял Бижарас, Дун дозий г!адиллъун лъурав гьеч1олъи.
Лъалаго рек1елъан иманги бортун, Ватулаан къосун къват1исеб халкъан. Халкъалъ рик1к1унареб бет!ерлъи гьаби, Бич1ч1изе кват1ана т1аса лъугьаги.
Т1от1олг1анги гьунар гьеч1ев дун факъир, Къеркьарав г1адада г1акълу камиялъ. Киналъулго тавбу тана улкаби, Кутул рагъулелъги гъорлъан к1анц1ила.
Гъоз доз годек1аниб бицен гьабуралъ, Гьинал рек1ей г!азаб гьабиго тана. Тавбу киналъулго "каранзукь х1алхьи", Х1азур пасалъулеб созохъ рег1ана.
ХАДУБ РАГ1И:
Рак1 Халикъасе тун халкъ Гьесий тейг1ан,
Г1амал бук1ун гьеч1о дие рекъараб. Рижарас гьабулеб гьесухъго тейг1ан, Г1акълу мукъсанасе рекъараб лъач1о.
Рекъарасе рекъон жаза гьабулев, Жаббарил ишалде щвейго ах!макълъи. Мушавар нилъеде гьабич!**** мехалъ, Халикъас гьабулеб "бихьи г1адаллъи".
Годек1аналъулазе.
2-леб кеч1.
Нилъеца руччаби какула кирго, Кваналел чияр гьан гъибатчаг1иян. Дозул гъозул бицун гъезабулел рак1, Гъаримазда рогьо гьабула г1емер.
Гьезул гъибат буго бикъараб хоно. Хадуб пуланасе бец1изе к1олеб. Бикъи т!аде босун мук1урлъун хадуб, Хважаин гьадинго т1аса лъугьунеб.
Т!аделъун киназго копой ч1амулел, Ч1ах1иял улкаби банкал т1ет1ейин. Т!аде бач1арасда лъала к1алалъул, Кьалбалгин гъвет1алъул т1олабго г1аркьел.
Г1акълу ножодасан т1алаб гьабизе, Бач1инаро улка корал роркьараб. Киг!ан дагьабниги ножода х1ажат, Х1акълъун батиларо питна бугезул.
Годек1абахъ руссун г1исинккун чияр, Черхалъул гьан т1от1ой т!адабищ ножой? Т!аде ун рац1алъи т1алаб гьабизе, Гьунар г1олареца рехун те къавмал.
Къват1ир улкабазул кваналеб щай гьан, Эркен сагулазулъ сах1иргоги ч1ун? Сундуй г1оло г1умру г1адада кьолеб, Г!азаб ножоде ц1ан ц1орон холаго?
Халикъасда лъала лагъзадерил рахъ, Хинаб рокъоре а, къват1ул хабар тун. Ахират камулеб каламалдисан, Картошка бежизе жанир рахъи лъик!.
Рижарасде т!ами т1асан рорч1арал, Т1ут1уге гьезул гьан гьедин лъик! ножой. Жужах1 т!ад гьабулеб бугьтан гъибат тун, Гъасда Аллаагь рехсе хириял вацал.