Շվեյցարիայում կայացած խաղում «Բորուսիան» հանդես եկավ 2 տարբեր կազմերով: Առաջին խաղակեսին մասնակցեց Հայաստանի հավաքականի կիսապաշտպան Հենրիխ Մխիթարյանը, ով դարձավ 2 գոլային փոխանցման հեղինակ:
13-րդ րոպեին Մխիթարյանը փորձեց գլխի հարվածով գրավել դարպասը, բայց նրա հարվածը ստացվեց փոխանցում, իսկ լեհ ռմբարկու Ռոբերտ Լեւանդովսկին բացեց հաշիվը: 45-րդ րոպեին Մխիթարյանը, կենտրոնում ստանալով գնդակը, շարժվեց առաջ եւ փոխանցում կատարեց գաբոնցի հարձակվող Պյեր-Էմերիկ Օբամեյանգ, ով կրկնապատկեց «Բորուսիայի» առավելությունը՝ խփելով առաջին խաղակեսի վերջին գնդակը:
Ընդմիջմանը «Բորուսիայի» գլխավոր մարզիչ Յուրգեն Կլոպն ամբողջությամբ փոխեց թիմի մեկնարկային կազմը, սակայն դա դորտմունդցիներին չխանգարեց եւս 2 գոլ խփել՝ տանելով վստահ հաղթանակ:
Ընկերական խաղ
«Բորուսիա» (Դորտմունդ, Գերմանիա) – «Բուրսասպոր» (Թուրքիա) – 4:1
Ռոբերտ Լեւանդովսկի, 13, Պյեր-Էմերիկ Օբամեյանգ, 45, Մարկո Ռոյս, 62 Սերդար Ազիզ, 69 (ինքնագոլ) – Չինազ Շամիլ, 89
Присоединяйтесь к ОК, чтобы подписаться на группу и комментировать публикации.
Нет комментариев