МЕН БИЛАН СЕНГА КЕРАК.

Яшнаган гул-бўстонлар,
Сен билан менга керак.
Ишқ ҳақида достонлар,
Сен билан менга керак.
Доғ бўлса ҳам юзида,
Осмондаги ой керак.
Оқизса ҳам йўлида,
Ўша тошқин сой керак.
Ўзга элнинг зийнатин,
Мақтаманг бўлиб ҳалак.
Мен биламан қийматин,
Ўз элим менга керак.
Шоҳ бўлмайин ватанда,
Бўлойин оддий терак.
Киндик қоним тўкилган,
Менга ўша ер керак.
Дунёни кездим ,аранг,
Ҳар ерда бир хил фалак.
Ватани йўқ ҳору танг,
Беватан кимга керак.
Жило берар турфа ранг,
Қора,сариқ,оқ малак.
Ўзбек қизга бир қаранг,
Менга буғдой қиз керак.