Կիլիան Մբապեն՝ 2018թ. Ֆրանսիայի լավագույն ֆուտբոլիստ
Ֆրանսիայի չեմպիոն ՊՍԺ-ի եւ աշխարհի չեմպիոն Ֆրանսիայի հավաքականի հարձակվող, աշխարհի առաջնության լավագույն երիտասարդ ֆուտբոլիստ ճանաչված Կիլիան Մբապեն (դեկտեմբերի 20-ին նշել է 20-ամյակը) ճանաչվել է 2018թ. Ֆրանսիայի լավագույն ֆուտբոլիստ France Football-ի վարկածով:
Լավագույն եռյակում են նաեւ Ֆրանսիայի հավաքականի կազմում աշխարհի չեմպիոններ, Մադրիդի «Ռեալի» պաշտպան Ռաֆայել Վարանն ու Մադրիդի «Աթլետիկոյի» հարձակվող Անտուան Գրիզմանը:
2018-ին Մբապեն ՊՍԺ-ի եւ Ֆրանսիայի հավաքականի հետ անցկացրել է 60 հանդիպում, խփել է 34 գոլ, կատարել 18 գոլային փոխանցում:
France Football-ի վարկածով, բոլորից շատ Ֆրանսիայի լավագույն ֆուտբոլիստի մրցանակին արժանացել է Թիերի Անրին՝ 5 անգամ:
#MoSalah11
Нет комментариев