Мени танидингми?

Қара, мен ўша,
Лайлингман изингни қучиб йиғлаган.
Жонин поёндоздек пойинга тўшаб,
Тошдек юрагингга исми сиғмаган.
Мени танидингми?Қара, мен ўша,
Уйқусидан исминг айтиб уйғонган.
Соғинчинг қасрида бандидек яшаб,
Озоринг кўзига суртиб қувонган.
Мени танидингми?Қара, мен ўша,
Сенсиз ҳар нафасда оғу ютгувчинг.
Сен экиб кетган ишқ тиконин ушлаб,
Келмаслигинг билиб яна кутгувчинг.
Мени танидингми?Қара, мен ўша,
Кўнгли пишган тутдек тўкилган Лайли.
Чарчамас исмингни шеърига қўша,
Шоир бўлиб кетган ишқинг туфайли.
Мени танидингми?Қара, мен ўша,
Сен деб йиғламоқни ҳислат этган қиз.
Қайтгин демоқликка қилиб андиша, Кўнглингга йўл топмай юрган бир ожиз.
Мени танидингми???