Эн пашаче йолташем интернетысе таҥем

Мотор сӧрал бавайем ну каласе мыланем
Кушто улат моторем кӧм,кузе куандарет
Пыртак илыш йыжыҥет,илен эртыме корнет
Весела да чот поян манын тылат ӱшанем
Шеҥгек кодшо илышет тиде илыш шондыкет
Вучем ынде вашмутет эрдене сералтен шуктет
Кияр погаш кайшетла иктаж мутым сералтет
Таче эртыш шуматкече,шыште лывырге капет
Шижын ужар выньыкет куэ ныжыл лышташет
Йошкар кермычан коҥгашке куэ пуым олтымек
Ялысе шокшо мончаште шыман тый шупшалынат
Куэ ужар лышташ дене мотор шыште капкылет
Лышташ чайым йӱынат шоптыр,эҥыж лышташ дене
Тӱрльӧ шудым ешарен тамле пушым луктынат
Коман мелнаш писте мӱйым тореш,кутыш йыгалтен
Чайым подыл колтенат кӧргӧт ырыктен колтен
Писте мӱйым подылат талук тый таза лийат
Йӱштӧ телын тӱрльӧ черым шӧрын веле ончалат
Сценышке мураш лектат совым перат чыланат
Писте мӱйым подылмеке мӱкш авашке савырнен
Кидет сылнын модыктет тичмаш сотым чумырен
Вес талуклан ямдылет нугыдо мӱйыш савырет
Мотор,сӧрал бавайем улат пешак тале блогер
Арнитолог тый улат куку дене кутырет
Куку мутым мыланна сылнын кусарен моштет
Кияр шочмо пӧртыштат ужар,козыра киярлан
Вӱдым лейка ден йӱктет киярлан кушкаш полшет
Тичмаш тылзе гай улат кечывал кечын волгалтат
Чодыра чевер эҥыж гай лӱм неретшат вет тыгай
Кажне кече тылат май илышетше тыйын рай
Куэ пуым артанашке писте пу дене варен
Марий тӱсым сӱретлен телылан оптен шындет
Шукылан улат йолташ,ньогалан улат кокай
Кугуракланже акай тыйын лийже чыла сай
Каче-влаклан ойгыраш пеленет лияш шонаш
Марий ӱдыр пешак сай эн сӧрал,мотор бавай
10.08.2025г. Леонид Гаврилов