Ош сӧрал мотор Ол Ви

Шылаш нигушкат ок лий
Интернетышке пурет
Чуриет шылташ тӧчӧт
Шке улметым палдарет
Кунам йоҥылыш возет
Рушла марла возгалет
Дебет кредитым шотлет
Сальдо тыйын эре ноль
Шершот паҥгам модыктет
Чонет ден модын моштет
Ойлен колтымо мутет
Шке от пале мом ойлет
Весым туныкташ тӧчӧт
Тидланат уке шотет
Интернетыш пурымеке
Нигӧ ок пале шонет
Ош сӧрале чуриет
Янда гоч пеш раш коеш
Йошкар тӱсан костюмет
Эҥыж гай чевер тӱрвет
Кӧгӧрчӧн йошкар йол гае
Йошкар кемым чийымет
Ок кӱл тӱрльӧ фото-влакым
Интернетышке шындет
Тыйым вигак палдара
Калыкым воштылтара
Воктенет йолташетат
Пӧрдыт начар вуй ушан
Нунат тыгак кутырат
Интернетысе Ол Ви
Лучо тые лий Эр Вий
Ош сӧрал мотор Ол Ви
Шылше иге койыш дене
Калык деч чот лӱдмӧ дене
Нигунам от лий Ош Вий
21.07.2025г. Леонид Гаврилов