Тиде кӱртньӧ атына

Пешак сай улеш ӱзгар
Сакырым луген колтен
Шуко мӧрым пыштена
Тӱрльӧ саскам ешарен
Памаш вӱдым темалтен
Шокшо верыш шындена
Сайын шужо шонена
Поро мутым каласен
Пешак чот ме вучена
Эрже,касше кӱтена
Жап шуешат почына
Атылаш темкалена
Ӱстӧлтӧрыш шындена
Чыланат те ӧрыда
Тыгай йӱмӧ кочкышлан
Ӱстӧлтӧрышке пырля
Тулшолеш кӱештме шылым
Ужар пылышан шоганым
Кочкыш покшек шындена
Подеш шолтымо пареҥге
Кияр ден помидорат
Вошт койшо янда чукырат
Шаньык гае вилкыжат
Сылне гармонь йӱк почеш
Кидым вашла пералтен
Лезгинка куштышым кушташ
Ямде улыт чыланат
Шере тамле мӧрӧ вӱдым
Чукырлашке темкален
Кеҥеж кечын куанен
Тамлен подыл колтена
15.07.2025 г. Леонид Гаврилов