Кунам,У илыш шочеш

Шочмо кечыже лиеш
Тиде кече толын шуын
Куанаш веле кодеш
Кеҥеж рӱдӧ,сӱрем тылзын
Икымше,числа лиеш
Пешак кугу пайрем кечым
Марий Эл радио,палемда
Эрвел калык,марий мурым
Эн ондакак колыштеш
Касвел калык, колыштмеке
Кечыжат вараш шинчеш
Йӱдвел калык, йӱштӧ телын
Шокшым пӧртыштӧ шижеш
Кечывалвелсе калыкнаже
Тендам моктен вел кертеш
Улыда пеш писе, чулым
Пеш сӧралын кутыреда
Йӱкшемалтше,ӱдыр шӱмыш
Кугу тулым чӱктеда
Ойгыралтше,сусыр чоныш
Нойышо,неле капышкат
Кажне сӧрал пайрем кечын
Вий,куатым пыштеда
Пашам ыштеда тыршалын
Самырык,эше улыда
Тендан пешак кужу корно
Чыла, сеҥен эртеда
Кажне лукышко логалза
Марий йӱла койыш ден
Марий калык кугешналже
Марий Эл радио,улмо ден
Эше чотырак йоҥгалтса
Кугу элна кумдыкеш
Мландевалне Ош тӱняште
Марий Эл радио, ошкылеш
01.07.2025 Леонид Гаврилов