Шочмо кушмо ялем вучен шукто мием

Олмапу садеран шочмо сурт ончылан
Чодырасе пашаче мӱкш гай ешемлан
Ужар кожым шындаш,ӱшандарен ойлем
Шарналтен аваем,мӱкш ава ман ойлем
Ачаем,тыланет шке вуемым савем
Коваем,улат тый илышемын суксем
Арален моштенат шке шокшетым пуен
Коваем юзо еҥ,эн писе ушет
Кертын тӱрльӧ осалым,шем черым эмлен
Тыршенат,эмленат,кӧргӧ вий куатет
Калыклан пӧлӧклен моштенат
Коваем туныктен эре поро лияш
Кеч могай тушманет кинде ден вашлияш
Пашам йӧраташ,вуй уш дене шонаш
Юзо мутым ойлен вий куатшым пуен
Ачаем мыланем кид мастаржым пуен
Мокталтен каласен чылалан туныктен
Йӱштӧ нелым сеҥаш,осал,порым палаш
Куаналын илаш, сай айдеме лияш
Чодырасе мӱкш гае пашаче авай
Йӱдшӧ,кече тыршаш,пашам чот ышташ
Муралтен туныктен,ӱшанен лач мылам
Кужу корныш колтен шыман кидшым рӱзен
Шокшо шӱмжӧ аван кӱрышталын корштен
Эргыж верч ойгырен,йӧсланен да чытен
Кузе шӱмжӧ коржеш лач ава вел пала
Индеш тылзе ашнен шӱмжӧ ден ырыктен
Шуын жап,ынде мый, чыландам шарналтен
Толын шуын улам, омарта гай сурт дек
Пызлегичке саскан пушеҥге воктек
Ужар кожым шындем,кӱсынем пӧртылтем!
23.06.2025 г. Леонид Гаврилов