Эр ӱжара ынже лек малшетла нигунам

Шагалрак малаш тырше,канет варарак
Кынелат гын пыртак эр ӱжара деч ондак
Илыш корно лиеш пиалан утларак
Нералташ гын пыртак изи шӱшпык омым
Омыжат куатан,шонанпыл гай тӱсан
Эрденсе юалге,эрвел мардеж ныжыл
Чуриет ниялта пеш шыман шупшалеш
Кынелат гын эрдене поранан теле кечын
Капкылет ырыктал кеҥеж кечым шарнен
Ошкылат кугу олык пеледыш лоҥгаште
Пеледыш пуш дене вуй ушат каналта
Кечыжат кӱшычрак виянрак шыргыжеш
Мландыжат утларак шке куатшым пуа
Илышет куана,йывырта,шыргыжеш
Мыланна куанен илашна вел кодеш
Тӱтыран шошо эр,ночко шыже эрдене
Йӱшто теле эрдене,кеҥеж эрденат
Ырыктал капкылет кеҥеж кечым шарнен
Ошкыл колто кугу олык пеледыш лоҥгашке
Ошкылат муралтен лупсеш йолым нӧртӧн
Чонет куана пеледыш-влакым поген
Йӧраталме пелаш мален кынелмешке
Пеледыш аршашым,поген тол пӧлӧклаш
13.02.2025 Леонид Гаврилов