Хаёлимдан боягина бошидан ук еб нобуд булган йигитнинг ахволи утди. Манзара накадар дахшатли эди. Одамнинг эти жунжикиб кетарди. Канчадан-канча конига беланганларни куриб дийдам котган менингки этим жунжикдими, бошка одамнинг юраги ёрилиб кетиши хеч гап эмас. Секин оркага тисарилдим-да, куйлагимни ечиб ташладим. Тугрироги, мен турган хаммаёги ёгоч девордан иборат хонанинг бурчагига улоктирдим. Неча-неча марталаб энди бировга озор етказмайман, дея онт ичганларим ёдимга тушиб, узимдан-узим нафратланиб кетдим. Уйлаб карасам, бекарорлик одати хам менга якинлашиб колгандай эди. Илгари нимадан воз кечмокчи булсам, кулимни силтардим, коларди-кетарди. Хозир эса узим сезмаган, хохламаган холда онтимга хиёнат килиб куйяпман. Машани куткариш хам хаёлимдан кутарилиб, хонада талай муддат утириб колибман. Хаёлга шунчалик берилиб кетибманки, Батинковнинг кириб келганини мутлако сезмабман. Факат у: -Нима килиб утирибсан? - деганидан кейингина чучиб кетиб узимга келдим. -Кечирасиз, - дедим бошка гап тополмай. -Мен сенга айтишни унутибман. Охирги улган йигит радист эди. У аллакачон узининг шефларига булиб утган вокеа хакида хабар бериб улгурган, шунинг учун шошилиш керак. Йукса, яна кон тукилади... Ташкаридагиларнинг хаммасини бир жойга туплаб куйдим. Узларига келиб олишлари учун камида ярим соат вакт керак. -Сиз мен билан кетасизми? -Кизиксан-а! Энди бошка иложим канча? Хамма нарса тескарига айланиб кетди. Бу ерда киладиган ишим колмади... Бупти, куп эзилмайлик, юр, Александр Петровичнинг кизини олиб чикамиз. Бечора келганидан бери зах ерда ётибди. Ертула эшигига катта кулф осилган экан. Калит кимдалигини Батинков хам билмаскан. Шу боисдан кулфни бузишимизга тугри келди. Чирокни ёкиб ичкарига кирганимизда Маша аввал нурдан кузи камашиб, юзини бекитди. У утирган жой хакикатан хам зах эди. Бунинг устига шунаканги бадбуй хид таралар эдики, одамнинг кунглини айнитиб юборарди. Оёк таги тупрок, деворлар бетон ва биронта хам туйнук йукки, ташкаридан ёруглик тушиб турса. Буларам камдай, Машанинг куллари боглик. У овкат ейиши мумкин, бошка хеч нима килолмайди. Шундай гузал кизни бу куйга солиш учун эркак киши бенихоя тошбагир булиши керак, албатта. Маша бизни курмади, кулларини юзидан олмай: -Дадам айтганларингни килиб беради, илтимос, менга тегманглар! - дея йиглашга тушди. -Сенга бошка хеч ким тегинмайди, - деди Батинков, - халоскоринг келди. Бутун вужуди даг-даг титраётган Маша бир муддат калтирашдан тухтади. Сунг курка-писа кулларини туширди-да, хайратланганча менга тикилди. Кейин ютиниб куйгач, урнидан турасола мен томон югурмокчи булди-ю, аммо эпини килолмади. Кулларидаги кишанлар тортиб колди. Шунда кизнинг буйнидаги занжирга хам кузим тушди, улар кулларидагилар билан бирга Машани ортга тортан эди. Киз шурлик пихиллаганча оркасига кулади. Батинков билан бирга югуриб унинг тепасига бордик. -Итдан таркаганлар! - дея сукиндим мен. Устозим менга караб куйди. Унинг олдида илк маротаба сукинганимдан ажабланди, шекилли. -Хозир, - деди Батинков, - хозир озод киламиз, кизим. Унинг гапидан кейин Маша кулларини ерга уриб, укириб йиглашга тушди... Уни темир-терсаклар "чангал"идан озод килишнинг узи булмади. Хатто занжирларни синдиришимизга тугри келди. Кулимиздаги курол ёрдамида, албатта. Шунда хам кизнинг буйни-ю кулларида бир каричдан занжир осилиб колди. Уларни бутунлай олиб ташлаш учун эса темир арра зарур буларди. Чунки калит кимнинг чунтагида экан, дея биттама-битта "овчи"ларнинг чунтакларини караб чиккунимизча анча-мунча вакт утиб куярди. Маша туткундан озод булган захоти бирдан менинг буйнимга осилди. Киз кузларидан дув-дув ёш тукар, зор-зор йигларди. Негадир у узининг шундай ахволга тушишида кисман мени хам айбдор санарди: "Агар сен кетиб колмаганингда, мени биронтаси хам угирлаб кетолмасди", дерди нукул. Машага хеч нарсани тушунтириб утирмадим. Чунки мавриди эмасди. Ташкарига чикканимизда тонг энди-энди окариб келаётган эди. Шамол тухтаган, дарахтлар силкинавериб чарчаганлариданми, кимир этмасдан, дам олмокда эдилар. Тунда вахимаси юртни бузадиган булутлардан асар хам колмаганди. Хуллас, кеча канчалик тус-туполон билан утган булса, хозир шунчалик осудалик хукм сурмокдайди. "Шункор"ларнинг хаммасини Батинков деворга суяб утказиб куйган экан. Менимча, уларни хам устозим маълум вактга "дам" олдириб куйган булса керак узининг услубида. Кеча менинг кул телефонимга эга чиккан "овчи" хам кузини юмганча шериклари катори ухлаётган экан, чунтагини кавлаб узимга тегишли матохни олиб куйдим. Батинков бизни бошка йулдан бошлади. -Бу сен келган йулга нисбатан анча-мунча хавфсиз. Юриш кийинрог-у, лекин манави дарахтлар орасидан тезрок ялангликка чикиб оламиз, - дея изох берди у савол назари билан карашимга жавобан. Маша юролмади. Гандираклаб кетаверди. Шу боисдан аввал мен уни опичлаб олдим. Ярим йулга кадар юрганимиздан кейин устозим кизни узига ортмоклаб олди. -Енгил экан, кутариб кетавераман, - дедим. -Мен хам хали сен уйлаганчалик кариб колганим йук, кулди устозим. Назаримда, ялангликкача масофани тез босиб утдик. Соатга карасам, анчагина вакт утибди. Менимча, Батинков иккаламизнинг тинимсиз гаплашиб кетганлигимиз нафакат муддатнинг тез утиб кетишини, балки йул машаккатларини хам билдирди. Устозим кета-кетгунча мени анча койиди. Бунга сабаб эса менинг Машани к,утк,аришда окилона йул тутмаганим. Узимни окламокчи булгандим, Батинков мени силтаб ташлади. -Сен профессионалсан. Шундай экан, бирорта хам хато килмаслигинг керак эди, - деди у. - Бошка пайт булганида сени бошкача жазолардим. Бахтинг бор экан. Жазонинг канака булишини яхши билардим. Улдирмайди-ю, лекин улдирса енгилрок жазо буларди. Ялангликка чикканимиздан кейин унчалик хам узок булмаган жойда кишлок куринди. -Шу ерга борамиз, - деди Батинков. - "Ясная луна" кишлоги, харитада курганман. Купи билан унтача уй бор. Менимча, хаммаси кариялар булса керак. Бунака жойларда ёшларнинг яшаши амримахол. -Номи галати эканми? - дедим мен. -Галатимас-ку, менимча, бу ердан ой яхширок куринса керак-да. Биз секин-аста кишлок томон йулга тушдик. Йул-йулакай мен Александр Петровичга кунгирок килдим. Лекин хеч ким кутармади. "Нима булдийкин? Кизини шундай жойдан к,утк,ариб олиб бораяпмиз, телефонга кадалиб утирмайдими?" дея уйладим. Аммо хаёлимдагини мен билан бирга кетаётганларга айтмадим. Кишлокка якинлашиб колганимизда чеккадаги уйдан бир кампир югуриб чикди. Шундай думалок хотиннинг бунчалик тез югуриши аклга сигмайди. Уйнинг орка томонига етганидан кейин эса чук тушиб бакирганча ёрдам сурай бошлади. -Чол курмагур ичволиб хотинини урган шекилли, - деди Батинков кулиб. Аммо: -Эримни к,утк,аринглар, яхши одамлар! - дерди кампир томогини йиртгудай булиб. Буни аник эшитган устозим такка тухтаб, менга каради-да: -Кизни устингдан тушир. Югур! - деди-ю, мени ажаблантирган куйи мендан олдин узи чопиб кетди. Кампир, упкаси тулиб зор-зор йиглаётганлиги боис нима булаётганлигини аник тушунтириб беролмади. Лекин кули билан зур бериб уйи томонни курсатарди. Шоша-пиша уй ховлисига утиб, не куз билан курайликки, кари бир чол "Москвич" машинасининг остида хириллаб нафас олганча ётарди. Машинанинг олдинги гилдиракларидан бири йук. Чол тирсагини ерга тираб машинани бир амаллаб кутариб турар эди. -Ахмок! - деди уни куриши билан Батинков ва машинанинг олд кисмидан кутара бошлади, унинг ёнига мен хам кушилдим. Машина хийла кутарилди. -Уф-ф! - дея иккала кулини ёнига ташлаган чол чузилиб ётиб олди. -Чик, чикмайсанми, сассик чол! - дея бакирди устозим. Шу махал кампир пилдираб келиб колди-ю, чолини бир амаллаб сугуриб олди-да, бирдан уни дуппослай кетди. Чол у ёкдан-бу ёкка думалар, юзини яширар, аммо кампирининг калтагидан кутулолмас эди. Яхшиям биз аралашиб чолни унинг чангалидан олиб колдик. Йукса, кампирнинг узи чолнинг суробини тугрилаб куйиши мумкин эди. -Мияси айниган чол, одам шунаканги ахволдаям мошинанинг тагига кирадими?! - дея тинмай жаврарди кампир. -Домкрат кулаб кетди, - дея тунгиллади чол. -Аслида улганингда бирдан сендан кутулиб куя колардим. Бекор ёрдамга чакирибман буларни! - деб кулини мушт килганча шангиллашни давом эттирарди кампир. -Тухтанглар, тухтанглар! - дея кулини осмонга кутарди Батинков. - Узларингни босинглар. -Ана курдингми? - деди чол. - Ёшларга кулок тутиш керак. -Хамма гапирсаям сен овозингни чикарма! - бакирди унга кампири. -Бизни мехмон килмайсизларми? Хар калай, мехмонмиз, - деди Батинков кампирга караб илжаяркан. Устозимнинг гапи кампирни бирдан юмшатиб юборди. -Булмасамчи, кани, уйга киринглар, - деди кампир овози мулойимлашиб. -Тирик колганлигимни ювамиз, - деди чол хам илжайган куйи. -Бунинг акли-хуши арокда. Алкаш, пиёниста! Кампир бисотидаги бор "ширин" сузлар билан карияни сийлай-сийлай уй томонга юрди. -Жодугарнинг кариндоши бу, - деди чол кампири сал нари кетгач паст овозда. - Уттиз йилдан бери яшаб келаман шу билан. Кахрамонлик бериш керак менга. Икки марта... Юринглар, уйга кирамиз, кампир сизларни хозир сийлайди, бахонада мен хам томокни хуллаб оламан. -Хеч каерингиз огримаяптими? - дея суради ундан Батинков. -Бе, балоям ургани йук! Лекин койилман. Бутун бошли мошинани кутариб турдим-а! Шунчалик кучим борлигини билмаган эканман. Аммо анави жодугарга кучим етмайди-да. Хар куни уради, - деди кария йигламсираб. -Мен Машани олиб келайин, - дедим устозимга караб. -Дарвоке, - деди Батинков бошини кашлаб чолга караркан, - сизда мабодо темирни кесадиган арра топилмайдими? -Топилганда кандок, - дея илжайди чол ва "Москвич" унинг юкхонасини очиб, бир оз кавлаштирганидан сунг узунлиги икки каричча келадиган темир матохни кутариб келди. Маша мен ташлаб кетган жойда кимирламасдан утирарди. -Энди сени бутунлай озод киламиз, - дедим унга. Киз аввал жилмайди. Сунг жилмайиши йигига айланди. -Хаммаси ортда колиб кетди-ку, нега яна йиглайсан? - деб унинг юзига окиб тушган куз ёшларини бармокларим билан артиб куйдим. Маша темир-терсакдан бутунлай холи булганидан кейин чукур нафас олди. Мен унинг кулидан етакладим. Аммо у бунга каноат хосил килмади. Кулимга осилиб олди. Буни миннатдорлик белгиси деб кабул килдим. Биз чол билан кампирнинг уйига кириб борганимизда аллакачон икки эркагу бир кампир тузалган стол атрофига утириб олишибди. Кампирнинг шунча нарсани кандай тайёрлаб улгурганига аклим бовар килмасди. Яна илжайиб туришидан эркакларга кушилиб озгина отиб олганга хам ухшар эди. -Киз бола хам бор экан-ку, - деди чол гайрат билан кафтларини бир-бирига ишкаркан. - Энди утиришимиз роса кизийдиганга ухшайди. Бундай давраларда аёллар куп булса яхши-да. -Ичингга озгина кирса дарров алжирашни бошлайсан, сассик чол, - дея бирдан унинг огзига урди кампири. Шу билан чол учди-колди. -Кечирасизлар, - деди Маша бир оз нокулай тортиб, - мен ювиниб олсам... -Бемалол, - деб бирдан урнидан турди кампир, - узим ёрдам бериб юбораман. Бир томондан тугри хам киласан. Эркаклар билан утирган аёл качон барака топган! Булар алжирашдан бошкасига ярашмайди. -Ана энди зерикадиган булдик, - деди Батинков чолга кесатиб. -Менга кара, отинг нимайди... ха, эсимга келди, Володья, бу аёллардан эркак зоти умуман рушнолик курмаган. Ёшлигимда чиркиратардим. Кариганимдан кейин кучим етмай колди. Кишлогимизда шу кампирларнинг дастидан мен билан Иван колдик, колганлари кочиб, улиб кутулди. Бу кампирларнинг булса хаммаси тирик, Азроил хам уларнинг жонини олишдан куркади. Шунаканги махлук-да булар. Аёллар билан утириш кизик деган гапни кампиримдан куркканимдан айтдим... Ундан кура арокдан куй. Манави йигитчагаям, - дея гапининг сунгида менга бир караб куйди чол. -Бу менинг шогирдим, укам булади, - дея мени курсатди Батинков. - Исми Собир. -Мен булса, - дея менга мурожаат килди чол, - мана шу акангнинг акаси буламан, исмим Захар. Унинг гапидан кейин даврада енгил кулги кутарилди. Очиги, роса очкаган эдим. Чолнинг айтиши буйича, узи тайёрлаган арокдан бир стаканини ютдим-да, иштаха билан овкатланишга тушиб кетдим. Захар амаки эса тинмай сайраб турди. Кампирнинг айтганича бор экан. Ичган булса бор-йуги икки стакан арок ичган, шунга огзидан боди кириб, шоди чика бошлади. Ва албатта сукинишгина гапларига озгина "маза" бериб турар эди. Стаканлар яна уч мартадан бушаганидан кейин у бутунлай учиб колиб, бошини столга куйганча хуррак ота бошлади. -Шуларам, - дея чунтагидан сигарета олиб лабига кистирди Батинков (мен унинг аввал тамаки чекканини мутлако курмагандим, шунга ажабландим), - яшаяпти. Бизга нисбатан эркинрок. Кампирини хисобга олмаганида оромини биров бузмайди. Буларга арокдан бошка хеч нарсани кераги йук. Шу пайт Маша билан бирга кампир кириб келди. Маша очилиб кетган эди. Озгинлик хам унга кандайдир ярашганди. -Кизим билан буй-бастлари бир хил экан, кизимнинг куйлагини кийгиздим-у, узимнинг Викториямни кургандай булдим. Кампирнинг колган гаплари дийдиёга айланиб кетди: Викториянинг келмаганига уч йилдан ошиб кетган. Виктория аввал Питербургга кетиб, кейин Москвага кучиб утган, уч йил ичида туртта эр алмаштирган. Виктория буларга набира тугиб бермаган ва хоказо. Кампир ора-сира эрининг стаканига арок куйиб ичар, газагига хеч нарса эмас, куйилиб келган куз ёшларини енгига артар, лекин бирор марта булсин чолига эътибор бермасди. Хуллас, кампирнинг дийдиёларини эшитиб булгунимизча бир неча кундан бери тузук-курук овкат емаган Машанинг хам корни туйди. Батинков менга имо килди: Александр Петровичга кунгирок килишим керак. Ташкарига чикдим. Тоза хаводан симириб-симириб нафас олганимдан кейин телефон тугмачаларини босдим. Яна жимжитлик. У ёкдан хеч ким гушакни кутармайди. "Бирон нима булганлиги аник. Машани олиб етганимизни унинг душманлари эшитишган булишса, Александр Петровични бир ёклик килиб куйишган. Шошилиш керак. Бу ердан эртарок жунамасак булмайди. Жамшер А. Б. Хар калай, Александр Петрович яхши одам, нобуд булса, кизи кун куролмайди", деган уйда кайтиб уйга кирдим. Устозим менга савол назари билан каради. Мен бош чайкаб, телефонни хеч ким кутармаганлигини билдирдим. -Мехмондорчилик учун катта рахмат, - деди Батинков кампирга караб. - Жуда яхши утирдик, корнимиз хам очиб колганди, бахонада туйгазиб олдик. -Нима, сизлар кетмокчимисизлар? - деди кампир хайратланиб. - Биз бу ерларда кариялар зерикиб кетгандик... Бир-икки кун тоза хаводан симириб, дам олиб кетардинглар. -Ишларимиз жудаям куп. Мавриди булса бошка сафар келармиз, - дея устозим урнидан турди. -Ишлайверасизлар, ишлайверасизлар, кейин кандай кариб колганларингни билмай, бизга ухшаб коласизлар. Ха, сизларга маслахатим, кариганда кишлокда яшанглар. Яхши булади, - деди кампир. -Бупти, - деди унга жилмайиб Батинков, - айтганингизни киламиз. Захар амаки уйгонганларидан кейин бизнинг ташаккуримизни айтиб куйинг. -Уйгонгандан кейин хамма нарса эсидан чикиб кетади. Хатто сизлар к,утк,ариб колганларинг хам хаёлига келмайди, анави Иваннинг олдига бориб, ётиб колгунча барматуха ичишдан бушамайди. Ташкарига чикиб, энди йулга тушмокчи булганимизда кампир бизни тухтатди. Сунг узи югуриб бориб огилхонасига кирди-да, олачупор тулпор етаклаб чикди. -Хов сен, - деди сунгра мени чакириб, - буёкка кел. -Нима килмокчи бу кампиршо? - дедим мен хайрон булиб. -От-арава кушиб беради, - деб бирдан фол очди Батинков. Буни карангки, унинг фоли тугри чикди. Кампир отни ховлисида турган аравага кушди-да: -Катта йулга чикканларингдан кейин бу ёкка буриб юборсангизлар, узи уйни топиб келаверади. Пиёда кетсанглар кечгачаям етолмайсизлар, - деди. У айтганча бор экан. Бир соатлар аравада юрсак-да, катта йулдан дарак булмади. Батинков менга дам берди. -Мен озгина булсаям ухлаб олганман. Аравани узим бошкариб кетавераман. Колаверса, бундай лаззатни сенга бериб куядиган ахмок хам йук. Уйгок холда дам олишни биламан деб мени ишонтиришга уринма. Мен узимни уйлаяпман, - деди у. Биз томонлардагидан бутунлай фарк киладиган турт гилдиракли, устига пичан ташланган араванинг устида чузилдим. Буни курган Маша: -Оёкларимга бошингни куй, - деди жилмайиб. -Шунакаси менга кулайрок, - дея рад этдим. -Шундай гузал санам сенга илтифот курсатади-ю, сен йук дейсанми? - дея оркасига бир караб куйди Батинков. -Бошим баланд булса уйкум келмайди, - деб бахона килдим. Аслида гап бунда эмасди. Агар хозир Машанинг оёгига бошимни куядиган булсам, унинг кунглида бошкача туйгу пайдо булиши мукаррар эди. Бу оркали у менга тагин богланиб колиши мумкин. Киздаги хис-туйгуларни уйготганим учун эса мен кийналиб юришимга тугри келади. Шу пайтгача куп кизлар билан анча-мунча бемаза ишлар булди, хатто Маша билан хам, лекин энди менинг Барном бор. У менга гавхар мисолики, заррача хиёнат килишни хаёлимгаям келтиролмайман... Албатта, буларнинг бари баландпарвоз уйлардек эди. Лекин бориям аслида шу-да. Ухлаб колибман. Бир махал кимдир юзимни силагандай булди. Уйгондим. Лекин кузларимни очмадим. Кузларимни очсам Маша кулини тортиб олиши мумкин эди. Ёки булмасам баттар эркалашга тушиб кетарди. Кулини тортиб олса, хижолатпазлик булиши эхтимол эди, олмаса юкоридаги гап: кунглимда умид пайдо булади. Шундагина бировнинг дилини огритишдан сакланиш канчалик огирлигини хис этдим... Охири топдим йулини: уйкусираган киши булиб, ёнимга угирилиб олдим-да, шу бахонада "уйгониб", урнимдан туриб кетдим. Керишиб олдим. Сунг бир осмонга, бир атрофга бокиб: "Бунча гузал бу олам, бир кара", дея машхур кушикни мингтрлай бошладим. -Ха, шоввоз, - деди овозимни эшитган Батинков, - дарров уйгонибсан-ку. -Хавонинг тозалигидан дарров уйкуга туйибман. Келинг, "рул"ни менга беринг, бу ёгига мен хайдаб кетай, сиз дам олинг, - дедим шух овозда. -Хожати йук, - деди Батинков. - Манзил якин. Бу ёгига узимиз хам эплаб куя коламиз. -Оркага кайтсак-чи, - дея шу пайт кутилмаганда гапга аралашди Маша. - Хавоси тоза экан. Хам бехавотир. Кампирнинг бирорта хонасини ижарага олиб яшайверардик. -Яхши, - деди устозим унинг гапига жавобан кулиб, - сизларга яхши. Икковларингам ёшсизлар, дарров топишиб оласизлар. Мен анави кампирни Захар амакидан тортиб оламанми? Хаммамиз кулиб юбордик. Бундан Батинковнинг баттар завки келди. -Кейин Захар амаки уруш эълон килади. Кариянинг кучини курдингларми, бутун бошли машинани кутарди-я. Ундаги куч менда нима килсин! Кучсизлигимни билиб колса кампир хам мендан айниб кетади. Шунинг учун, уртоклар, факат узини уйлаш булмасин, - деди у. -Хавотир олманг, битта-яримтаси адашиб келиб колар, - деди Маша кулиб. - Шартта оёк-кулини боглаб, сизга топширамиз. -Ё Худо, ётарканман-да качон биронта киз уз оёги билан адашиб келиб коларкан деб. Мениям кузимнинг конга тулиши бор... -Хавотир олманг, устоз, - дедим мен гапга аралашиб. - Кампирнинг кизи уч йилдан бери келмаскан. Ажабмаски, сизнинг кутаётганингизни тушида куриб... -Илтимос, камситиш булмасин, - дея гапимни булди Батинков. - Индамасам кария деб чеккага чикариб куясанлар. Айт, шахарга тушиб бирортасини ушлаб олиб келиб бераман, онаси упмаганидан де. Хозирнинг узида отни оркага бурайин. Топган гапларинг бирорта киз узининг оёги билан адашиб келиб колса-ю, ундан кейин... Унгача кариб-чуриб, Иван ёки Захар буп колсам-чи! Киз келгунча кишлокдаги бирорта беванинг хожатини чикариб турасиз-да, - дедим мен шухлигим кистаб. -Сен болани аслида гапга укитган эканман-да, яхшики бахтингга Маша бор. Булмаса тарбия дарсини хозирок бошлаб юборардим, - дея ёлгондан пуписа килди Батинков. У яна бир нарсаларни гапирмокчи эди. Аммо отнинг калкиб кетгани фикрини чалгитиб юборди, чамада. Урнига бошка гапни айтди: -Кеп колибмиз, анави асфальт йулни кураяпсизларми? Биздан икки юз метрча нарида коп-кора йул куриниб турарди. У ерга етиб олгунимизча бошка сузлашмадик. Кампир айтганидай, оти жуда аклли экан. Биз аравадан тушиб, ортга буриб куйган эдик, бошини куйи солганча секин-секин кадам ташлаб келган йулига кетаверди.

Отнинг кетишини бир оз томоша килиб турганимиздан кейин йул буйида учаламиз бирорта машина келиб колишидан умид килиб утирдик. Хартугул "орзу"имиз тез ушалди. Узокдан олдинги ойнаси куёшда яраклаган улов биз томонга якинлаша бошлади. Мен урнимдан турдим-да, машинадан кузимни узмай тикилиб туравердим. У анча якинимизга келиб колганидан кейин УАЗК "тез ёрдам" машинаси эканлигини англадик. Кул кутарганимиздан сунг у ёнгинамизда тухтади. -Йул булсин? - деди хайдовчи деразадан бошини чикариб. -Шахаргача олиб бориб куймайсанми, огайни? - деди Батинков. -Шуям муаммоми, утиринглар, - дея илжайди хайдовчи. Менга унинг башараси ёкмади. Усиб кетган сариктоб сок,оли, уйнаб турган кузлари ва бурнининг устидаги тиртик шубха уйготди. Шундай булса-да, башаранг ёкмади деб тайёр уловнинг бахридан утиб юборолмайман-ку. Олдинма-кетин машинага чикдик. Машина ичида эса хайдовчининг биздан бошка йуловчилари хам бор экан. Туртта уттиз ёшлар атрофидаги эркак. Сигаретани буркситиб тутатиб, пиво ичиб утиришибди. Улар биз чикканимиздан кейин бир-бирига караб иржайишди. "Бундан бу ёгига хам "хазил-хузул" килиб кетамиз шекилли", дея уйладим. Уйим исботини икки дакика хам утмасдан топди. -Йулкирага пулларинг булса керак? - деди улардан бири пивосини хуплаб, лаб-лунжини кафти билан артар экан. -Бунинг сизларга нима алокаси бор? - дедим мен. Батинков мен томонга синовчан краб куйди. -Чунки йулкирани биз йигамиз-да, - деди халиги одам. -Бизнинг хам курук рахмат айтиб тушиб кетиш ниятимиз йук, - дедим мен жилмайиб. -Бизнинг машинанинг бир метр юриши уч юз рубль туради.. Хар юз метр юрганида хисоб-китоб килиб борамиз. Хозир беш юз метрдан куп юрди. Кани, соккани чузинглар бу ёкка! - тахдид килди бояги одамнинг ёнида утиргани сигаретасини оёгининг остига ташлаб эзгилар экан. -Зур-у, - деди Батинков унга диккат билан тикилганча. - Сервис хам шунга яраша булса керак. -Булмасам-чи, кария. Манави кизчаларингни ялангоч киламиз-да, ракс туширамиз. Кейин турталамиз хам куч-кувватга тулиб тошганмиз, шундай жононни курганимиздан кейин эркакчилик килмасдан кетишимиз инсофнинг биронта хам киррасига тугри келмайди... Кани, аввал сен икковинг йулкирани тулаб куйларинг-чи. Пулларинг сервис курсатишга етадими-йукми хали, - деди биринчи гапиргани. -Балки етиб колар, - дедим мен. -Етмаса ташвиш тортишнинг хожати йук. Донорлик киласанлар. Икковлашиб бир литр топширсанглар етарли... Курдингларми, биз одамларни хеч качон йулда колдирмаймиз. Сенлардан олдин хам шундай мурувватни курсатиб келаяпмиз, - деди яна уша одам. -Хакикатан хам хизмат курсатиш сизларда дахшат экан. Менимча, дунёда ягона булса керак, - деди Батинков киноя аралаш. -Кария, менимча, эзмалик килиб юбординг. Биз бир километрдан хам куп йул босиб куйдик, сочингнинг учигача карзга ботдинг. Шунинг учун машинани тухтатиб, ишингни битирамиз-да, оркангга биттадан тепиб, жунатиб юборамиз, - деди шу пайтгача гапга аралашмасдан био сигарета чекиб, бир пиво ичиб келаётган туртинчи эркак. -Собир, - деди ортикча валаклашишга сабри чидамаган Батинков, - икки дакика. -Куп, - дедим мен тишимни тишимга босиб, - бир. -Вакт кетди, - деди устоз. Шу ондаёк ишга киришдим. Машина "эга"лари бунака булишини мутлако кутишмаган шекилли, довдираб колишди. Биринчисининг бурни синди. Иккинчи-учинчиси аганаб тушган захоти зуравонларнинг туртинчиси машинанинг чеккарогига утиб, чку тушиб йиглаб юборди.. Бунисини эса биз кутмаган эдик. Хайдовчи булса машинани тухтатди-ю, сакраб тушиб ура кочди. Батинков уларнинг киликларини куриб корнини ушлаганча котиб-котиб кула бошлади. Шахаргача яна узимиз кетишимизга тугри келди. Бизга машинани "инъом" килганлар эса шу жойда колишни "маъкул" куришди. Шахарда поездга утирдик. Хартугул йулнинг колган кисмида бизни безовта киладиганлар учрамади. Шундай килиб, Александр Петровичнинг уйига бир ярим кун деганда етиб келдик. Келишга келдиг-у, куз олдимиздаги манзарани куриб, хайратдан донг котдик. Уй тамомила ёниб битган, бир уюм култепага айланган эди... Маша узи неча йиллар яшаган уйнинг ахволини куриб, бир зум жойида хайкалдек котиб турди-да, сунг ёнига "шилк" этиб йикилди. Мен дархол унинг бошидан тутдим. Аммо Батинков килт этмади. Култепага караганча тураверди. Худди нима вокеа содир булганлигини англаб оладигандай. Машанинг юзига авайлаб бир-икки урган эдим, у узига келди. Узига келди-ю, йиглашга тушди. -Мени бекорга олиб келибсиз, агар мени к,утк,армаганингизда, уйимиз ёниб кетмаган буларди... Бунчалик бадбахтсизлар хамманг! Отажоним! Отажонимдан айрилдим-ку!.. Кизнинг таъна-дашномлари тугай демасди. -Бас! дея жим турган Батинков бирдан бакириб юборди. - Сенинг дастингдан улиб кетишимизга оз колди-ку! -Устоз, бунда нима айб? - дедим мен бошка гап тополмай. -Бунинг уша суюкли отаси... Бандитнинг кизи-ку буям, кимларга хизмат килаяпмиз узи?.. Келиб-келиб каердаги ипириски, луттибоз... -Улган одамни хакорат килманг! - деди Маша алам билан. -Сен отангни улган деб уйлаяпсанми? Уйи куйган булсаям ётгандир у кайсидир кавакда, уйнашларининг иссик куйнида! -Балки етарлидир-а, - менинг жахлим чика бошлади. - Машада нима гунох! Маша узи хохлаб унинг кизи булиб колмаган-ку. Шу гапни айтишимни биламан, Батинков жагимга шунаканги мушт туширдики, чалканчасига куладим. Шу пайт куз унгимдан Батинковнинг буйрукдан буйин товлаган Мекеладзени кандай ургани утди. Жамшер А. Б. Уша пайтда унинг хакикатдан хам каттик жахли чиккан эди. Хозир менинг гап кайтарганимга хам чидаб туролмади. Урнимдан туриб утирдим-да, лабимдан сизиб чиккан конни кафтим билан секин артдим. -Кечир, - деди устозим ховуридан тушиб, - узимни ушлаб туролмадим... Мен хам фаришта эмасман-ку. Унинг узатган кулидан ушлаб урнимдан турдим. -Нега урдингиз?! - деди Маша кошлари чимирилиб Батинковга нафрат билан карар экан. Унинг саволига устоз жавоб бермай, култепа томон кетди. Ортидан мен хам эргашдим. Шу махал: -Биз сизларни кидириб келдик, - деган кескин овоз келди ортимдан. Угирилиб не куз билан курайки, ундан зиёд куролланган одамлар "зорманда"ларини бизга укталиб турибди. Хаммаси харбий кийимда. -Иккаланг хам кулингни оркангга килиб ёт, ортикча харакат килма, албатта, тирик колишни истасанг! - деди улардан бири. Мен Батинковга карадим. У: -Шу етмай турувди... - дея кулларини оркага килиб секин ётди. Ноилож мен хам ерга чузилдим. Бизнинг шундай килишимизни кутиб турган харбийлар, бирдан югуришиб тепамизга келишди. Кимдир кулимга "ширк" этказиб кишан такиб куйди. Бошимни бир оз кутариб Батинковга карадим. Унинг юзи газабдан кизариб кетган эди. Алам билан лабини шунчалик каттик тишлагандики, огзининг чеккасидан кон сизмокдайди. Чунтакларимиз текширилганидан кейин иккаламизни хам урнимиздан тургазишди. Шу махал иккита коп-кора "Мерседес" ёнимизга келиб тухтади. Харбийлар югуриб боришиб уларнинг орка эшикларини очишди. Мен бирорта генерал тушса керак, деб уйлагандим. Аммо ундай булиб чикмади. Худди машинасининг рангидай коп-кора костюм-шиму оппок куйлак кийиб, кизгиш буйинбог таккан, сочлари ёнига силлик таралган одам жилмайибгина машинадан тушиб келди. У бир оз бизнинг ахволимизга караб турганидан кейин бошини сарак-сарак килди. Сунг битта-битта кадам босиб аввал Батинковнинг ёнига бориб: -Сендай одамни бунака куйга тушади, деб хечам уйламаган эдим, - деди майин овозда. - Куч-кудратинг канчалик куп булмасин, бошни ишлатмаганингдан кейин ёмон-да! -Сен итнинг каршисида узим хам шундай холда турганимдан газабим кузияпти! Батинков кескин гапирарди. -Тушуниб турибман, - деди унинг рупарасига келиб тухтаган одам, - лекин энди бурнингни тишлашдан бошка иложинг йук... Яна хиёнатинг учун хам жавоб беришингга тугри келади. Албатта, осон булмайди, лекин начора. У худди мушукни эркалагандай Батинковни юзини силаган булди-да, тусатдан шапалок тортиб юборди. Бунга Батинковнинг чидаб туролмаслигини билардим. Ва менинг уйлаганим булмай колмади. Устозим кулларидан ушлаб турган йигитларга бир оз суянган булди-да, каршисидаги одамнинг чотига чунонам тепдики, бечора огрикнинг зуридан укириб юборди-да, оркасига кулади. Шу ондаёк Батинков калтак ёмгирининг остида колди. Уни ушлаб турган йигитлар аввал корнига, белига куроллари билан аямасдан уришди. Бечора устозим йикилганидан кейин тепкилашга тушиб кетишди. Бу манзарани мен шунчаки томоша килиб туролмасдим. Кулимдан махкам ушлаб турганлардан бирининг тиззасига товоним билан тепдим, у энкайиб колганидан кейин шеригини белимдан ошириб ташладим-да, икки хатлашда Батинковни ураётганлар ёнига етиб бордим. Аммо биттасинигина уриб йикитишга муваффак булдим. Кейин менинг хам бошимга Батинковнинг куни тушди. Албатта, биз - устоз - шогирд бирлашсак, кулимиз боглик холда булса-да, уларга бемалол бас келардик. Лекин Маша жабрланиб колиши, харбий кийимдагиларнинг биронтаси кулидаги куролидан ук узиши ва хамма харакатларимиз зое кетиши мумкин эди. Мени канча вакт тепкилашганлари ёдимда йук. Хушимдан кетибман... Узимга келганимда эса мутлако бошка жойда эдим. Кул-оёкларим занжирлаб ташланган. Бошим луккиллаб огрир, кузим яхши курмасди. Атрофга аланглаб устозимни кидирдим. Киприкларим бир-бирига ёпишиб колган, атрофни бемалол куришга халал берарди. "Номардлар, - чорасизликдан аламим келарди, - хеч курса юзимдаги конни ювиб ташласанглар, бир жойларинг камайиб колармиди?" -Собир, - деб колди бир махал Батинков, овози ёнгинамдан эшитилди. Демакки, у хам мен каби осиб куйилган. -Эшитаман, - овозим зурга чикди. Батинков илгамадими, деб уйлагандим. Хартугул эшитган экан. -Харакат килоласанми? - дея суради у. -Агар кулим боглик булмаганида бирон нимага ярардим, - дея жавоб бердим. -Хозир улар келишади, иккаламизни хам сурокка тутишади. Шунда балки, бировимизни бушатишар. Ушанда бутун кучингни ишлат. -Хуп булади. -Ана, иккитаси келаяпти. -Мен куркмаяпман. -Аввал юзингни ювишларини илтимос кил. Эвазига хамма билганларингни айтишни ваъда бер. Лекин келувчиларга илтимос килишимнинг хожати колмади. Бири челакни тулдириб сув олиб келган экан. Юзимга сепиб юборди. Сув юзимдаги конни ювиб тушганидан кейин атрофни тиник кура бошладим. Бу ер илгари кандайдир заводнинг бир булаги булган булса ажаб эмас. Том нихоятда баланд. Биздан нарирокда токарлик дастгохи, яна кандайдир темир-терсаклар, сим турлар сочилиб ётар эди. Батинков билан мени ёнма-ён осишибди, карама-карши томонда эса Маша хам кулидан осилган, унинг хам юзига караб булмайди. Буйни бир томонга кийшайиб колган. Итдан таркаганлар унинг ожизалигига хам карамасдан обдон калтаклашгани шундоккина куриниб турарди. Камига худди эркакдай осиб куйишибди, яна кийимининг олдини йиртиб ташлашибдики, оппок баданининг моматалоклигини курган одам ич-ичидан эзилиб кетади. Бу атайлабдан, бизни курсин, азоблансин, деб килинган. Агар олиб кочмаганларингда, агар отаси биз сураган пулни майнавозчилик килмай вактида берганида, шундай нозик киз бу куйга тушмаган буларди. Мана, биз билан уйнашганларни нималар кутади, демокчи булишган. "Энди узларингдан куринглар", дея хаёлимдан утказдим ва менинг юзимга сув сепган йигитнинг якинрогимга келишини кутдим. Бирок у якинлашмади, Батинковнинг хам бошидан бир челак сув куйганидан кейин чикиб кетди. -Хов, галварс! - дея бакирдим унга. -Нима? - деди у тухтаб. -Анави киз ердан чиккан кузикорин эмас, унинг хам устига сув сеп, узига келсин. -Тилинг дахшат-у, а, яна бир сайра-чи, яхши эшитмай колдим. -Бупти, ёнимга кел, шунака сайрайки, булбуллар тилини тишлаб колсин, - дедим мен кулиб. Аммо у менинг олдимга келишга улгурмади. Бизнинг ён томонимиздаги дарвоза шакир-шукур этиб очилди-да, Александр Петровичнинг култепа уйига келган "Мерс" куринди. Сахна куриниши бошкатдан такрорланди. Силлик сочли банда бошлиги уша иржайишини куз-куз килиб машинадан тушди. Яна Батинковнинг рупарасида тухтади. Менинг кулгим кистади. "Кани энди устознинг оёклари буш булса-да, худди аввалгисидай тепса", дея хаёлимдан утказдим. -Эх, Володя, Володя, - деди силлик соч бу сафар сал берирокда туриб, - нималар килиб куйдинг-а? Сенинг урнингда булганимда уятдан ерга кириб кетган булардим. Майли, буям такдирнинг ёзиги экан-да. Шухлик килмаганингда, балки рупарама-рупара утириб отамлашаётган булармидик. Энди узингга бир кара-ю, менга бир кара. Агар юзма-юз утирсак мен одамларимнинг олдида обруйимни йукотган буламан... -Олиб кочма, - деди Батинков мийигида кулиб, - сен куркканингдан мен билан бир жойда утиролмайсан. Сенинг кулингдан номардликдан бошка нима хам келарди. -Номардлик хакида сен гапирмаганингда яхши буларди. Сенга ишониб отнинг калласидан икки баравар пул ваъда килиб, арзимаган кизчага курикчилик килишни топширсам-у, сен менинг кузимга чуп тикиб манави тирранча билан, - дея силлик соч мени кули билан курсатди, - йигитларимнинг дабдаласини чикариб, кизни узинг олиб кочсанг. Ёки Петрович каттарок пул ваъда килдими? Гапир. Батинков индамади. Мен устозимнинг нега бундай килаётганига хайрон эдим. Ахир у силлик сочни бемалол гипноз килиши, сунгра осонлик билан кулларини бушатиб, бу ердагиларнинг хаммасини элакдан утказиши мумкин эди-ку, нега шундай килмаяпти?.. "Балки, - дедим узимга-узим, - бошка бир режаси бордир. Имкония кутаётгандир". Аммо мен бундан бошка иложни курмадим. Шу боисдан хам силлик сочнинг тугримга келишини кута бошладим. Худди хаёлимдагини уккандай у хам якинлашмасди. -Серёга, - деди Батиков, - дунёда сенинг хохиш-истагингни хам, менинг ваъдамдан хам устунрок нарсалар куп. Ана шундай холда хамма нарса унут булади. Гапларингнинг хаммаси хак. Лекин сен хеч нарсани тушунмайсан. Менинг эса тушунтиришимга хохишим хам йук. -Шунака дегин, - деди Серёга деганлари киноя билан, - гапимни инкор этмайсан, айни пайтда узингнинг билганингдан хам колмайсан. Яхши, унда аклингни бир киритиб куяй. Ундан кейин балки сен мени яхшилаб тушуниб оларсан. У костюмининг ички чунтагидан сигарета олиб лабига кистирди. Шунда югурдакларидан бири ёнига югуриб келиб гугурт чакди. Серёга хузур килиб тутун ютди-да, охиста чикариб, Машанинг ёнига келди ва унга бир оз термилиб туриб бошини чайкади. Сунгра сигаретасини оёги тагига ташлаб мойлангандек ялтираётган коп-кора туфлиси билан яхшилаб эзгилади. Кейин аъёнларига: -Олиб келинглар! - дея бакириб буйрук берди. Мен "Нахотки Александр Петрович хам уларнинг кулида булса", дея уйладим. Аммо ундай булиб чикмади. Бояги дарвоза яна очилиб, юк туширадиган машина хамма томони ойнадан иборат к,утини (бир пайтлар биз худди шунаканги мосламанинг ичига кириб асаларилардан сакланган эдик) кутариб келди-да, биздан ун кадамлар нарига куйди. -Володя, - деди силлик соч Серёга Батинковнинг ёнига келиб, - мен сенга яна бир марта имконият бераман. Агар хакикатан хам зур булсанг, жонинг узингга сийлов. Эпини килолмасанг, алвидо! У иккала кулини канот килиб ёзди ва яна гапида давом этди: -Немислар бизнинг ота-боболаримизни кандай жазолаганини мендан яхши билсанг керак. Мен энди жа немислардай килмасам хам сал берирок, килмишингга яраша жазони куллайман. Чидасанг яшайверасан. Йукса, боя айтган гапим. Хозир манави курилманинг ичига кирасан, - дея у ойнали мосламани курсатди, - мен захарли тутун чикарадиган лампани ташлаб, устингдан бекитаман. Турт дакика сенга мухлат, агар нафас олмасдан туролсанг, эшикни очаман, чикиб кетаверасан, мабодо нафас олиб куйсанг, хаммаси тамом булади... Айтиб куяй, сен бунинг ойнасини синдираман, деб уйлама. Темирни мажаклашинг мумкин-у, лекин огайни, бунга кучинг етмайди. Шунака мустахкам тайёрланган бу барака топгур. Яна битта гап. Узингни куп у ёк-бу ёкка ташлайверма, менинг феълим айниб колиши эхтимоли бор. -Нуткинг равон экан, - деди Батинков жилмайиб, - илгари бунака гапиролмас эдинг. Айникса, мактабда. Эсингдами, унинчига утганимизда, математика дарсида бутун синфга кулги булгандинг, кизлар майна килавериб шолгом килиб ташлашганди ушанда. -Эх, Володя, уша пайтлар хам сен ахмок эдинг, уша-уша, узгармабсан. Ушанда уйга вазифани кучиртиришга бермаган эдинг ва табиийки, сен туфайли хаммага кулги булгандим, - деди Серёга кулини устозимга никтаб. -Оддий купайтирув амалини билмасанг, саводсиз булган булсанг, мен айбдорманми? -Вактим йук эди, биродар. Оламшумул ишлар билан банд эдим! Сенга ухшаб каердаги хой-хавасларга берилиб умримни утказмасдим. Мана, сен укиб ким булдинг? Хеч ким, кулидан жаллоднинг хамма тури келадиган харбий. Бунинг учун сен математикани билишинг шарт эмасди... Мен-чи? Узинг куриб турибсан. Изохга, менимча, хожат булмаса керак. Колаверса, ажалинг менинг кулимда, хозир куйиб юборсам, кандай килиб нариги дунёга кетганингни билмай хам коласан. Серёганинг бу гапи Батинковни титратиб юборди. -Сендан битта илтимос, - деди у калтираган овозда, - факат ростини айт, Оляни сен улдирганмидинг? Кайси Оля, мен унакасини танимасканман. Уйнашларим орасида битта шунака исмлиси бор, лекин у хали тирик. Ундан кейин, эркатойим, каерга борсам олиб юраман. Хозирам машинада утирибди. Агар шуни назарда тутаётган булсанг, хозир мошинадан тушади. -Узингни гулликка солма, уни бутун дунё биларди. Енгил атлетика буйича жахон чемпиони булганди. Саккизинчида укиётганимизда бизнинг синфга келганди. Хамма бирданига ошик буп колувди. Лекин у унинчига утганимиздагина менга рози булувди. Куп утмай уйининг йулагида чавакланган холда топишган. Айт, уша мараз сенмидинг?! Батинковнинг бакириб юборганлигини курган Серёга аввал унга тикилиб турди-да, сунг хохолаб кулиб юборди. Атрофидаги аъёнларига хам унинг завки дарров юкиб, улар хам зурма-зураки булса-да, кийкиришга тушишди. Батинков изза булди. Рупарасидаги иблиссифат махлукни бурдалаб ташламокчи булиб бир неча марта силтанди. Аммо уни махкам ушлаб турган занжир куйиб юбормади. Устозим чорасизликдан укириб юборди. -Сен... сен, - деди Серёга бир оздан кейин кулгидан базур тухтаб, - халиям шуни эслаб юрибсанми? Ух, нодон. Ух, ахмок!.. - у тусатдан жиддий тортди ва яна сузлашда давом этди: - Майли, сениям унинг олдига боришингга озгина колди. Шунинг учун айтганим булсин... Лекин айтишимдан олдин бир нарсани мен хам сурасам. Нега энди уни эслаб колдинг? Шу пайтгача каерда эдинг? Сен билан куни-кеча хам кадрдон эдик, лом-мим демагандинг-ку. -Нимжон эдинг. Унга кучинг етишига ишонмасдим. Киз бола булсаям сенга ухшаганларнинг иккитасини бир ёкли килиш унинг кулида келарди. Кейин сенга нисбатан хозиргина шубха пайдо булди, - деди Батинков. -Кечикдинг. Хамма нарсага етган аклинг шунга колганда оксаб колди. Бупти, эшит. Оляга хамманинг ошик булганлиги рост. Албатта, менинг хам. Аммо менинг умидим катта эди. Агар рози булганида бошимга кутариб юрардим... Канча аёллар билан бирга булдим. Уларнинг хисобига узим хам етолмайман. Лекин Оляга ухшаганини халигача тополганим йук... У хакикатан хам битта эди... Сен билан юраётганлигини курганимдан кейин жоним чикиб кетди... Шундан кейин доимо йулини пойладим. Бир-икки марта ёлгиз учратиб, сендан айнитишга харакат килдим. Хатто ялиндим, оёгига бош куйдим. У булса илтижоларимни сарик чакага хам олмади. Уша тунда Оля машгулотдан кайтаётганди. Узиям роса холдан тойган экан. Мени курди-юЮ тепа сочи тикка булди. "Сен галамис, ёпишкок куртдан кутуламанми-йукми?" дея бакирди. Унинг бу гапларига чидаб туролмадим. Бошка нарса деганида эхтимол чидардим. Жахл отига миниб корнига пичок тикиб юборганимни узим хам сезмай колибман... Албатта, буларнинг бари кандайдир дакикалар ичида содир булди. Бундай булишини Оля тугул мен хам кутмаган эдим... Килгиликни килиб куйганимдан кейин: "Агар бу тирик колса, эртага мени каматиб юборади", деган уй миямга урди. Шу хадик билан хали кон томиб турган пичокни унинг куксига яна бир марта санчиб олдим... Сунг биринчи ва сунгги бор акикдай лабларидан буса олдим... Оля энтикиб-энтикиб нафас олаяпти-ю, мен унинг лабига лабимни босиб турибман. Романтик бир холат! Бунакасини кинолардаям курмагансан. Шу лахзаларда килган ишимдан афсусландим. Лекин гишт колипдан кучган эди... Омадим ушандаям бор экан. Оляни улдирганимни хеч ким курмабди. Хатто эртасига мактабга бормаганимдан хам биров шубхаланмади. Мана энди, бу эскириб кетган вокеани сенга ундан зиёд йигитларим гувохлигида айтиб бердим... - дея Серёга яна хи-хилаб кулди, - буни кара, яна битта "лекин"и чикиб колди. Олянинг ёнига яна сен биринчи кетаяпсан. Агар нариги дунё деганларининг борлиги рост булса, у билан куришасан, саёхат киласан. Шуларни уйлаб хатто сени улдиргим хам келмаяпти. Аммо иложи йук. -Мен уни деб халиям уйланганим йук! Устозим бу гапни шунчалик махзунлик билан айтдики, менинг кузимдан ёш чикиб кетди. Вужудимга титрок кирди. Серёга деганларини бурдалаб ташлагим келди. Шу боисдан худди устозим каби кулимга богланган занжирни узиб юбормокчи булиб пастга тортдим. Аммо у мен уйлагандан хам мустахкам экан. "Агар шу холатда улиб кетсак, мутлако хакикатга тугри келмайди. Аввал Серёга килган иши учун жавоб бериши керак. Ундан кейин майли, нима булса булсин", дея уйладим. -Петька! - дея бакирди Серёга йигитларининг бирига. - Манави овсарни ечиб олиб тик ойнанинг ичига! Хатолари болса минг бор узр дохтирхонада ёзилган... Давоми бор. #ЎлимгаМаҳкумҚилинганлар