Предыдущая публикация
Бир кун мени эсларсиз ахир,
Сочларингиз қиров босганда.
Хаёт тўкиб сочганда қаҳр,
Армон билан тонглар отганда !
Бир кун мени соғинарсиз хўп,
Додлар солар тош юрагингиз.
Айтилмаган сўзлар қолар кўп,
Мендек куйиб, ёнар бағрингиз !
Тополмассиз афсус хеч қачон,
Қадамларим кезса самода.
Қалбингизда кеч қолган туғён,
Изғиб толар худа бехуда !
Бир кун мени исмим ёд олиб,
Ахтарарсиз ўхшаш сиймони.
Хотирадан кетолмай тониб.
Лаънатлайсиз шўрлик дунёни !
Бир кун мени излаб қоларсиз,
Ҳар шарпага ташларсиз нигоҳ.
Тополмасдан холдан тоярсиз,
Ахир...сизни этгандим огох !!!
#музыка
Следующая публикация
Нет комментариев