Бирдан биздан кечди у туйғу,

Юдузларнинг ёмғири тинди.
Соғинчларда тенг улишлигу,
Хижронларда биргамиз энди!
Севинчларни хор этар қайғу,
Зим-зиёмиз ёп-ёруғ кунда.
Висолларда бошқа-бошқаю,
Армонларда биргамиз энди!
Хоналари бўронга тўлиб,
Қалб қасрида ойналар синди.
Яхши кунлар хотира бўлиб,
Ёмонларда биргамиз энди!
Ярашмайди юзларга кулгу,
Бошимизга ситамқуш қўнди.
Баҳорларда бирга эмасу,
Хазонларда биргамиз энди.
Аламлар ҳам юлдуз сонича,
Ишқ бизлардан кетарга кўнди.
Умримизнинг сўнги онича,
Пушмонларда биргамиз энди!
Малика Тавфиқ