გუშინ, 2014 წლის 5 მარტს საერთაშორისო ამხანაგური მატჩების დღე იყო.

სხვადასხვა ქვეყნების ნაკრებებში "ბარსელონას" ფეხბურთელებიც ასპარეზობდნენ. ბრაზილიისა და სხვა ქვეყნების მსგავსად, ესპანეთის ეროვნულმა ნაკრებმა კალენდარული წელი იტალიელებთან გამარჯვებით დაიწყო.
შეხვედრა "ფურია როხას" გამარჯვებით (1:0) დასრულდა. ესპანელები მატჩს მთელი 90' წუთის მანძილზე აკონტროლებდნენ, მატჩის 63-ე წუთზე კი ვისენტე დელ ბოსკეს შეგირდები "ბარსელონას" თავდამსხმელმა, პედრო როდრიგესმა დააწინაურა. ეს გოლი 26 წლის ფეხბურთელისათვის ნაკრებში რიგით მე-14 აღმოჩნდა.