კატალონიის "ბარსელონასა" და ბრაზილიის ეროვნული ნაკრების თავდამსხმელმა ნეიმარ ჟუნიორმა, ამხანაგურ მატჩში, რომელიც სამხრეთ აფრიკასა და ბრაზილიას (0:5) შორის იმართებოდა, სამი გოლის გატანა შეძლო.

ეს გოლები ახალგაზრდა, 22 წლის, ბრაზილიელი თავდამსხმელისათვის ეროვნულ ნაკრებში 28-ე, 29-ე და 30-ე აღმოჩნდა.
ამ მაჩვენებლით ნეიმარმა გადაუსწრო იტალიური "მილანის" ბრაზილიელ ნახევარმცველს რიკარდო კაკას და "ნაპოლის" ყოფილ თავდამსხმელს კარეკს, რომელსაც 29 გოლი აქვს გატანილი.
ასე რომ ნეიმარი ბრაზილიის ეროვნული ნაკრების ისტორიაში გახდა მე-12 ფეხბურთელი, რომელმაც შეძლო 30 ან მეტი გოლის გატანა.