Խամես Ռոդրիգեսը շարունակում է հետաքրքրել մի շարք գրանդ ակումբների, թեև մինչև այժմ Զինեդին Զիդանի համար առաջին ընտրություն չէ: Անգլիական ու իտալական մի շարք ակումբներ բազմիցս ցույց են տվել, որ հետաքրքրված են կոլումբիացու ծառայություններով:«Արքայական» ակումբը պատրաստ կլինի վաճառել Խամեսի տրանսֆերը, եթե նրա համար վճարեն 80 միլիոն եվրո: Ֆլորենտինո Պերեսն այս հարցով վերջնական որոշում չի կայացրել: «Ռեալի» նախագահը դեմ չէ, որ Խամեսը մնա, սակայն եթե ֆուտբոլիստը ցանկանա հեռանալ, ապա նրա տրանսֆերի համար ստիպված կլինեն վճարել այնքան, որքան «Ռեալը» 2014 թվականին:Մադրիդյան ակումբի գլխավոր մարզիչ Զինեդին Զիդանը վստահ է, որ «Ռեալի» համար իդեալական տարբերակ է «Չելսիի» կիսապաշտպան Էդեն Ազարը: Այդ պարագայում Խամեսին ու Իսկոյին թիմում պահելը շատ բարդ կլինի: