О МОЛИТВЕ ЗА УСОПШЕГО В 3, 9, 40 ДЕНЬ.

«Вопрос. Чесо ради за усопшая в третины правим?
Ответ. Вси святии апостоли изложиша нам правила сия, глаголюще. Творите усопшия третины, во псалмех и молитвах, воскресшаго ради тридневно. Понеже Господь наш Исус Христос воскресе тридневно. Совоскреснем же убо и мы Ему в день судный, егда воздати имут комуждо поделом его.
Вопрос. Девятины паки чего ради творим?
Ответ. Такожде святии апостоли уставиша нас девятины, на воспоминание сущим зде о успопших творити. Понеже убо и Господь наш Исус Христос, по воскресении учеником свои явися, по осми днех. Не бо осмый день рекл Евангелист, но по осми днех, рекше в девятый. Еже есть на уверение воскресения неверовавшим человеком. Сего ради девятины творим.
Вопрос. Сорочины паки чего ради творим?
Ответ. Четыредесятницу творим, по ветхому закону, яко же и жидовстии людие, плакашася Моисея ради. Тако убо повелеша нам вси святии апостоли в третьей главе, первое правило. Григорий же Синаит написа, яко в четыредесятый день Господь наш Исус Христос с Пречистою и Божественою плоьию своею, на Небеса вознесеся. Тем являя, яко праведных душа действены суть, и по разлучении от плоти своея.
Вопрос. На вся лета паки чесо ради памяти по усопших творим?
Ответ. По завещанию и по повелению святых апостол. Рекоша бо нам, и на всяко лето память усопшим творите, и от имения их подавайте нищим, на воспоминание их».
(Большой катихизис)
#православие@rashin9