О чем молятся великомученику Иоанну Новому, Сочавскому
Иоанн Новый, греческий купец, жил в г. Трапезунде в Малой Азии (г. Трабзон в современной Турции) и вел успешную торговлю. Обладал мудростью и знаниями, был тверд в Православной вере, благочестив, милостив к беднякам и нуждающимся. За отказ присоединиться к языческим верованиям был подвергнут жесточайшим мучениям, а затем обезглавлен (это произошло между 1330–1340 гг.). Примерно через 70 лет мощи святого были перенесены в г. Сочаву, столицу Молдо-Влахийского княжества, и положены в соборной церкви (отсюда прозвание – Сочавский).
Великомученику Иоанну Новому, Сочавскому издавна молятся о содействии в коммерческих делах, покровительстве, благополучии и успехах в торговле. Святого просят также об укреплении в вере, о предстательстве перед Господом в получении помощи против невидимых врагов, избавлении от скорбей, болезней, бед, напастей, даровании благочестивой, праведной и благополучной жизни и о многом другом.
Молитва первая великомученику
Иоанну Новому, Сочавскому
О святый угодниче Божий, великомучениче Иоанне! Подвигом добрым подвизався на земли, восприял еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце, сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и присно и во веки веков. Аминь.
Молитва вторая великомученику
Иоанну Новому, Сочавскому
Святый мучениче Иоанне! Призри с небеснаго чертога на требующих твоея помощи и не отвергни прошений наших, но, яко присный благодетель и ходатай наш, моли Христа Бога, да, человеколюбив и многомилостив сый, сохранит нас от всякаго лютаго обстояния: от труса, потопа, огня, меча, нашествия иноплеменников и междоусобныя брани. Да не осудит нас грешных по беззаконием нашим, и да не во зло обратим благая, даруемая нам от Всещедраго Бога, но во славу святаго имене Его и в прославление крепкаго твоего заступления. Да молитвами твоими даст нам Господь мир помыслов, воздержание от пагубных страстей и от всякия скверны и да укрепит во всем мире Свою Едину Святую, Соборную и Апостольскую Церковь, юже стяжал есть честною Своею Кровию. Молися прилежно, святый мучениче, да благословит Христос Бог державу нашу, да утвердит во Святей Своей Православней Церкви живый дух правыя веры и благочестия, да вси члены ея, чистии от суемудрия и суеверия, духом и истиною поклоняются Ему и усердно пекутся о соблюдении Его заповедей, да мы вси в мире и благочестии поживем в настоящем веце и достигнем блаженныя вечныя жизни на небеси, благодатию Господа нашего Иисуса Христа, Емуже подобает всякая слава, честь и держава со Отцем и Святым Духом, ныне и присно и во веки веков. Аминь.
© Михаил Тихомиров
Цитируется в сокращении по кн.: МОЛИТВЫ СВЯТЫМ БОЖИИМ С КРАТКИМИ СВЕДЕНИЯМИ О ЖИТИЯХ И ПОМОЩИ В РАЗНЫХ НУЖДАХ. – М.: Изд. Тихомирова М.Ю., 2018.
Молитвы на разные случаи https://www.pravmolitva.ru/catalog/molitvy-na-raznye-sluchai.html