* * * *

Дардим тўлиб кетди жон Она,
Вужудим ҳам мисли ғамхона.
Юрибман-да бир одам бўлиб,
Юрак бағрим бугун қон, Она.
Дардим тўлиб кетди жон, Она
Юзим кулар, дилим вайрона.
Ё, алами борми ҳаётнинг,
Кўз ёшларга этса девона.
Дардим тўлиб кетди, жон Она,
Шодон юрмоқ менга бегона.
Ичим ёрмам бирон кимсага,
Дардкаш менга қоронғу хона.
Дардим тўлиб кетди жон, Она,
Бу дунёда бўлдим сарсона.
Қайга боқсам юзда ниқоби
Соҳталарга тўлган замона.
Дардим сиғмас бу кенг оламга,
Наҳот сиғмам бугун ўзим ҳам...