Предыдущая публикация
Мен ўшаман..
Мен ўшаман пойинг узра гуллар сочиб,
Сўнг гул каби қовжираган ҳазонингман.
Мухаббатнинг бозорида қимматбоҳо,
Кимга қиммат сенга ишқи арзонингман.
Мен ўшаман кўкка учган бургут каби,
Бир ўқ билан қанотлари синган қушман.
Сенга рўё ва кимнингдир армонлари,
Ва яна ким ўйлаб ўйлаб кўрган тушман.
Мен ўшаман аввал тупроқ сўнг лой бўлган,
Сўнгра кулол қўлидаги саполингман.
Мен ўшаман бахтим излаб келган гадой,
Бахт бермадинг лекин ҳамон ҳалолингман.
Мен ўша бир шоир аёл сал ғамгинроқ,
Сўнг оқ булут қучган мағрур осмонингман.
Бугун ҳаёт яшамоқни ўргатди кўп,
Энди ёрим сенинг буюк армонингман.
Наргиза Ҳайдарова...
Следующая публикация
Нет комментариев