«Сарын

йочаже-влак» Сеҥымашлан 80 ий темме лӱмеш окса выплатым налыт.
Марий Элым
вуйлатыше Юрий Зайцевын указше дене келшышын, 1941-1945 ийласе Кугу Отечественный сарыште сеҥымылан 80 ий теме лӱмеш «сарын йочаже-влаклан» 5000
теҥге дене ешарен тӱлат.
Палашда: «Сарын йочаже-влаклан» 1927 ий 1 январь гыч 1945 ий 31 декабрь марте Российыште шочшо еҥ-шамыч шотлалтыт.
Тыгай выплатым
ӱмаште налше еҥ-влаклан нигушкат кошташ огеш кӱл, нунылан окса йодмаш деч посна ойыралтеш. Кӧ «Сарын йочаже-влак»
удостоверенийым налын шуктен огыл, тудлан илыме верысе Калыклан социальный полышын мерыже-влакым ыштыме рӱдерыш але шуко функциян рӱдерыш кайыман, йодмаш дене
пырля нине документым (копийыштым) пуыман:
*личностьым пеҥгыдемдыше документым;
*паспортышто вес
прописке гын, Марий Элыште илымым пеҥгыдемдыше документым.
Ӱмаште Сеҥымаш кече вашеш тыгай выплатым сарын 18385 йочаже налын, палдара Марий Элын Паша да социальный аралымаш министерствыже.