МАЙЛИ КЕТАЙ АММО,....

Майли кетай аммо, кетган изимдан,
Дилингга тиғланган,ханжар санчилсин.
Кўзларинг излаган, йўлнинг четиндан,
Ўрмалаб армонли,илонлар чақсин.
Майли кетай аммо, сен ўтар йўлда,
Боғида гул эмас, тиконлар ўссин.
Ранжитдинг дилимни, рўёларингда,
Тушларингда руҳим, юрагинг тилсин.
Майли кетай аммо, инсофсиз оринг,
Пушаймон дастидан,дарёга оқсин.
Ёлғондан битилган,мактуб изҳоринг,
Аланга ичинда, сени қидирсин.
Майли кетай аммо, овозинг чиқмай,
Дардини ўзгага,айтолмай қолсин.
Юзларинг кулса ҳам, кўзларинг ёнмай,
Кўкрагинг остида, жангоҳлар очсин.
Майли кетай аммо,сендаги дардлар,
Ёдингдан бир зум ҳам,кетолмай қолсин.
Ёқимли шаббада,тонги шамоллар,
Ҳар лаҳза борлигим,билдириб турсин.