Предыдущая публикация
Олёш - Эри монь вечкемам (эрзякс валтнэ Римма Жегалинань)
ЭРИ МОНЬ ВЕЧКЕМАСЬ.
(«Моя любовь жива»моронть коряс
эрзякс теизе Римма Жегалина )
1. Пиземетнень шкась ушодовсь -
Сёксесь азоркс теевсь.
Ансяк пизёлнэсь ней кадовсь
Палыця якстерекс.
Таго сонзэ цюцёвнэнзэ
Теке тол, якстердить.
Сынь лопавтомо виртнесэ
Кизэнть ледстямс тердить.
2. Те кизна монень кеняркс сась -
Вечкемам вастыя.
Ансяк, мейс сон курок ютась,
Солась, ёмавтыя?
Солась, кода прыть лопатне,
Чамсь талныця оймем.
Кадовсть ансяк ледстнематне,
Томбазь седейс монень.
МОРОЮТКОСЬ:
Эри монь вечкемась,
Якстерди пизёлокс,
Тонтесь лопинекс прась,
Сон солась качамокс.
3. Весе, мезде минь кортынек,
Свал карми седейсэнь.
Арсинь, мартот минь вечкинек,
Свал ультяно вейсэ.
Арсинь, сынь улить певтеметь,
Минек вастоматне,
Ней жо монень кадовсть тондеть
Ансяк ледстнематне.
МОРОЮТКОСЬ:
Эри монь вечкемась,
Якстерди пизёлокс,
Тонь вечкемась ютась,
Сон солась качамокс.
Следующая публикация
Комментарии 1