💐☘️💐
ПЯТНИЦА, 24 МАЯ 2024 ГОДА. (11 МАЯ 2024 ГОДА ПО СТАРОМУ СТИЛЮ). СЕДМИЦА 3-Я ПО ПАСХЕ, ГЛАС ВТОРЫЙ. ДЕНЬ ПОСТНЫЙ. (ТРОПАРИ, КОНДАКИ, ВЕЛИЧАНИЯ, МЫСЛИ СВЯТИТЕЛЯ ФЕОФАНА ЗАТВОРНИКА ЧИТАЕМЫЕ В ПЯТНИЦУ).
Равноапп. Мефодия (885) и Кирилла (869), учителей Словенских. Сщмч. Мокия (ок. 295). Равноапп. Ростислава, князя Великоморавского (870). Прп. Софрония, затворника Печерского, в Дальних пещерах (XIII). Сщмч. Иосифа, митр. Астраханского (1672). Свт. Никодима, архиеп. Сербского (1325). Новомчч. Диоскора и Аргира (Греч.). Константинопольской иконы Божией Матери. Прп. Комгалла, основателя и игумена Бангорского (Кельт. и Брит.). Свт. Виссариона, архиеп. Ларисского (Греч.). Мч. Акакия из Нижней Моесии (Греч.). Мц. Олимпиады, игуменьи Митиленской (Греч.).
ТРОПАРИ, КОНДАКИ, ВЕЛИЧАНИЯ ЧИТАЕМЫЕ В ПЯТНИЦУ.
ТРОПАРЬ КРЕСТУ ГОСПОДНЮ, ГЛАС 1
Спаси́, Го́споди, лю́ди Твоя́ / и благослови́ достоя́ние Твое́, / побе́ды правосла́вным Христиа́ном на сопроти́вныя да́руя / и Твое́ сохраня́я Кресто́м Твои́м жи́тельство.
КОНДАК КРЕСТУ ГОСПОДНЮ, ГЛАС 4
Вознесы́йся на Крест во́лею, / тезоимени́тому Твоему́ но́вому жи́тельству / щедро́ты Твоя́ да́руй, Христе́ Бо́же, / возвесели́ нас си́лою Твое́ю, / побе́ды дая́ нам на сопоста́ты, / посо́бие иму́щим Твое́ oру́жие ми́ра, / непобеди́мую побе́ду.
В НЕДЕЛЮ 3-Ю ПО ПАСХЕ, ЖЁН МИРОНОСИЦ
ТРОПАРЬ, ГЛАС 2
Егда́ снизше́л еси́ к сме́рти, Животе́ Безсме́ртный,/ тогда́ ад умертви́л еси́ блиста́нием Божества́./ Егда́ же и уме́ршия от преиспо́дних воскреси́л еси́,/ вся си́лы небе́сныя взыва́ху:\ Жизнода́вче Христе́ Бо́же наш, сла́ва Тебе́.
Слава: Благообра́зный Ио́сиф с дре́ва снем Пречи́стое Твое́ те́ло,/ плащани́цею чи́стою обви́в,/ и благоуха́ньми во гро́бе но́ве закры́в положи́;/ но тридне́вен воскре́сл еси́, Го́споди,\ подая́й ми́рови ве́лию ми́лость.
И ныне: Мироно́сицам жена́м при гро́бе предста́в а́нгел, вопия́ше:/ ми́ра ме́ртвым суть прили́чна/ Христо́с же истле́ния яви́ся чуждь./ Но возопи́йте: воскре́се Госпо́дь,\ подая́й ми́рови ве́лию ми́лость.
КОНДАК, ГЛАС 2
Ра́доватися мироно́сицам повеле́л еси́,/ плачь прама́тере Евы утоли́л еси́/ воскресе́нием Твои́м, Христе́ Бо́же,/ апо́столом же Твои́м пропове́дати повеле́л еси́:\ Спас воскре́се от гро́ба.
ВЕЛИЧАНИЕ (АЩЕ ХРАМ)
Велича́ем вас святы́я мироно́сицы, и чтим святу́ю па́мять ва́шу: вы бо мо́лите о нас Христа́ Бо́га на́шего.
СВЯЩЕННОМУЧЕНИКУ МОКИЮ АМФИПОЛЬСКОМУ
ТРОПАРЬ, ГЛАС 4
И нра́вом прича́стник,/ и престо́лом наме́стник апо́столом быв,/ дея́ние обре́л еси́, Богодухнове́нне,/ в виде́ния восхо́д;/ сего́ ра́ди, сло́во и́стины исправля́я,/ и ве́ры ра́ди пострада́л еси́ да́же до кро́ве,/ священному́чениче Моки́е./ Моли́ Христа́ Бо́га/ спасти́ся душа́м на́шим.
КОНДАК, ГЛАС 8
Вооружи́вся щито́м ве́ры,/ нечести́вых ополче́ния стерл еси́, священному́чениче,/ и вене́ц от Христа́ взял еси́, Моки́е,/ тем и, со Áнгелы ра́дуяся, спаса́й от бед пою́щия тя,/ моля́ непреста́нно о всех нас.
ВЕЛИЧАНИЕ
Велича́ем тя,/ священному́чениче Моки́е,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
РАВНОАПОСТОЛЬНЫМ КИРИЛЛУ И МЕФОДИЮ
ТРОПАРЬ, ГЛАС 4
Я́ко апо́столом единонра́внии и слове́нских стран учи́телие,/ Кири́лле и Мефо́дие богому́дрии,/ Влады́ку всех моли́те,/ вся язы́ки слове́нския утверди́ти в Правосла́вии и единомы́слии,// умири́ти мир и спасти́ ду́ши на́ша.
КОНДАК, ГЛАС 3
Свяще́нную дво́ицу просвети́телей на́ших почти́м,/ Боже́ственных писа́ний преложе́нием исто́чник богопозна́ния нам источи́вших,/ из него́же да́же додне́сь неоску́дно почерпа́юще,/ ублажа́ем вас, Кири́лле и Мефо́дие,/ Престо́лу Вы́шняго предстоя́щих// и те́пле моля́щихся о душа́х на́ших.
ВЕЛИЧАНИЕ
Велича́ем вас,/ святи́и равноапо́стольнии Мефо́дие и Кири́лле,/ вся слове́нския страны́ уче́ньми свои́ми просвети́вшия/ и ко Христу́ приве́дшия.
ПРЕПОДОБНОМУ СОФРОНИЮ ПЕЧЕРСКОМУ, ЗАТВОРНИКУ
ТРОПАРЬ, ГЛАС 1
Простра́нна пути́, веду́ща в па́губу,/ блаже́нне Софро́ние, угонза́я,/ затвори́лся еси́ в те́мне ме́сте пеще́рнем,/ иде́же день и нощь в моли́твах, и слеза́х,/ и в ручно́м де́ле подвиза́яся,/ обре́л еси́ ве́чный живо́т и наслажде́ние.
КОНДАК, ГЛАС 4
Яви́лся еси́ дре́вним отце́м ревни́тель,/ в те́мней пеще́ре све́тлым житие́м я́сно просия́в,/ и озари́л еси́ сердца́ пою́щих тя, Богому́дре о́тче Софро́ние.
ВЕЛИЧАНИЕ
Ублажа́ем тя,/ преподо́бне о́тче Софро́ние,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
СВЯЩЕННОМУЧЕНИКУ ИОСИФУ, МИТРОПОЛИТУ АСТРАХАНСКОМУ
ТРОПАРЬ, ГЛАС 6
По́двигом до́брым подвиза́вся,/ жизнь твою́ страда́ниями за пра́вду увенча́в,/ пресели́лся еси́ в Небе́сныя оби́тели,/ иде́же предстоя́ Престо́лу Святы́я Тро́ицы,/ моли́, святи́телю Ио́сифе,/ гра́ду Áстрахани и оте́честву на́шему в ми́ре спасти́ся.
КОНДАК, ГЛАС 2
Я́ко звезда́ пресве́тлая,/ возсия́л еси́, святи́телю Ио́сифе, во Áстрахани,/ иде́же роди́лся и воспита́лся еси́/ и за ве́рность Бо́гу и власте́м зако́нным му́ченическую смерть прия́л еси́./ Мы же, чту́ще страда́ния твоя́, зове́м ти:/ святи́телю Ио́сифе, от мяте́жников убие́нный,/ моли́ Христа́ Бо́га о душа́х на́ших.
ВЕЛИЧАНИЕ
Велича́ем тя,/ святи́телю о́тче Ио́сифе,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
СВЯТИТЕЛЮ НИКОДИМУ, АРХИЕПИСКОПУ СЕРБСКОМУ
ТРОПАРЬ, ГЛАС 4
Пра́вило ве́ры и о́браз кро́тости,/ воздержа́ния учи́теля/ яви́ тя ста́ду твоему́,/ Я́же веще́й И́стина,/ сего́ ра́ди стяжа́л еси́ смире́нием высо́кая,/ нището́ю бога́тая,/ о́тче священнонача́льниче Никоди́ме,/ моли́ Христа́ Бо́га,/ спасти́ся душа́м на́шим.
КОНДАК, ГЛАС 4
Возше́дый на высоту́ доброде́телей,/ и́миже Бо́гу прибли́жився,/ о нас моли́, преосвяще́нне,/ любо́вию тя сла́вящих,/ я́ко па́стыря и учи́теля.
ВЕЛИЧАНИЕ
Велича́ем тя,/ святи́телю о́тче Никоди́ме,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
МЫСЛИ СВЯТИТЕЛЯ ФЕОФАНА ЗАТВОРНИКА ЧИТАЕМЫЕ В ПЯТНИЦУ.
(Дея.8, 40–9, 19; Ин. 6, 48–54). Св. Павел вначале так ревностно защищал ветхозаветные порядки потому, что искренно был уверен, что на то, чтобы те порядки стояли неизменно, есть непреложная воля Божия. Не потому ревновал, что то была отеческая вера, но потому, что ревнуя службу Богу приносил. В этом был дух его жизни — Богу себя посвящать и все силы обращать на угодное Ему. Потому для обращения его или для того, чтобы заставить его не стоять так за ветхозаветие, а стать, напротив, на сторону новозаветия, достаточно было осязательно показать, что Бог не хочет уже ветхого завета, а хочет нового, все благоволение Свое от первого перенес ко второму. Это и совершило в нем явление ему Господа на пути. Тут ясно стало для него, что он не туда обращает свою ревность, куда следует, и что действуя так, не угождает Богу, а идет против воли Его. Это узрение положения дел, при помощи благодати Божией, тотчас изменило его стремления, и он воззвал:“Господи, что повелишь мне делать?” И с этого момента всю свою ревность обратил уже на то, что ему указано было, и всю жизнь не забывал этого события в жизни своей, но благодарно вспоминая его, возгревал тем ревность свою — не щадя сил, работать для Господа, Спасителя своего. Так действуют и так следует действовать и всем, искренно обратившимся к Господу.
Присоединяйтесь к ОК, чтобы подписаться на группу и комментировать публикации.
Нет комментариев