📚📚📚📚📚📚📚
"Кожла орол" книган авторжо Александр Арзайн (Зайнутдинов Александр Зайнакаевич) — тыглай пашаче еҥ, но сылнымут аланыштат шке вийжым терга. Возымыжо «Ончыко» журналыште шагал огыл савыкталтын. Ынде тудо посна книгам лудшыжо-влаклан пӧлекла. Сборникыш ныл повестьым пуртымо. «Кожла орол», «Аймет» да «Вуйшерге» повестьлаште автор тӱҥ шотышто пӧръеҥ ден ӱдырамаш кокласе йӧратымаш кылым сӱретла, а «Льывырверт» — криминал сынан произведений. Книгам илыш гыч ойлымаш-влак мучашлат.
📚📚📚📚📚📚📚
З. С. Богданован "Илыш корно - тӧрсыр корно" кокымшо книгашкыже кок повесть да икмыняр кӱчык произведений-влак пурталтыныт. Нине возымаштыжат тудо, икымше книгасе семынак, шкенжын кугу да поян илыш опытшылан эҥерта, шке ешыжын да родо-тукымжын илыш пӱрымашышт гоч ожнысырак тукымын илен эртарыме саманын нелылыкшым да суаплыкшым моштен, марий йылмын поянлыкшым устан кучылтын сӱретла. Чыла возымаштыжат авторын писательлык шинчаончалтышыже, тӱняумылымашыже, серыме ойыртемже раш палдырнат.
Присоединяйтесь к ОК, чтобы подписаться на группу и комментировать публикации.
Нет комментариев