Մյունխենի «Բավարիայի» հարձակվող Ռոբերտ Լևանդովսկին մտադիր է այս մրցաշրջանի ավարտից հետո տեղափոխվել Մադրիդի «Ռեալ»: Ինչպես հաղորդում է «The Telegraph»-ը, 27-ամյա լեհ ֆուտբոլիստը «Ռեալ» տեղափոխվելու համար կմերժի «Մանչեսթեր Յունայթեդի», «Մանչեսթեր Սիթիի» և «Չելսիի» առաջարկները: Նշվում է, որ եթե ՖԻՖԱ-ի կողմից «Ռեալի» վրա դրված տրանսֆերային արգելքը մնա ուժի մեջ, ապա Լևանդովսկին ևս մեկ մրցաշրջան կանցկացնի «Բավարիայում»: Նախկինում լուրեր էին տարածվել, որ հարձակվողի ծառայություններով հետաքրքրված է նաև «ՊՍԺ»-ն: