Мусофир юртларда юрган эй йигит,

Тинглагин мен сенга айтай бир ўгит.
Аллохнинг изнисиз ўсмайди чигит,
Онангни рози қил, бир бора келиб!
Мол дунё ўткинчи барчаси ўтар,
Қўлингдан бир куни барчаси кетар.
Уйингда муштипар Волиданг кутар,
Онангни рози қил, бир бора келиб!
Ўзга эл сен учун бўлолмас ватан,
Фарзандсиз Волиданг кулолмас экан.
Бир кўрмай жонини беролмас экан,
Онангни рози қил, бир бора келиб!
Ўзгани топдингми мусофир элда,
Ўз ёринг интизор кутади уйда.
Сен эса юрибсан билмасман қайда,
Онангни рози қил, бир бора келиб!
Нахотки қадрсиз сен учун Она,
Ахир у дунёда сенга якка ягона.
Интизор йўлингни кутади ёна,
Онангни рози қил, бир бора келиб!
Кундан кун ранглари бормоқда сўлиб,
Ажални енгмоқда зўр ба зўр кулиб.
Сўнги бор кўрсам дер кўз ёшга тўлиб,
Онангни рози қил, бир бора келиб!
Гар Онанг кўзидан тўкилса жола,
Чин қалбдан Аллохга қилса у нола.
Хеч қачон рўшнолик кўрмайсан бола,
Онангни рози қил, сўнгги бoр келиб!