Предыдущая публикация
Внимание!
Составляем список земляков-участников ВОВ!
Чахсы Хоныхта хумартхы тас турғызылар!
Пӱӱл Асхыс аймаандағы Илимор аалы 200 чылын алғым таныхтаан. Ӱлӱкӱнде алылған ӧӧн чарадығларның пiрсi – аалдаң Илбек Ада чаада араласхан, чуртастарын пир салған, iзi чох чiт парған чир-суғҷыларыбыстың полғанының на адын сағысха кирiп, хумартхы тас турғызарға!
Пу уғаа чахсы сағысты чуртасха кирерiнҷе тоғын парчалар аалның ӧткiн чуртағҷылары. Иң пастағызын, ол чааҷылардаңар искiрiгнi чыыры.
Илбек Ада чаа араласчыларына хумартхы тасты 2018 чылда Чиңiс кӱнiне удур турғызарға пӧгiн турғызылған. Пасха даа кiчiг аалларда хумартхы тастар турғызылчатханда, аал чуртағҷылары паза аннаң сыххан улус мындағ пастағнаң республика паза орындағы ӱлгӱлерзер сыхханнар, хайда аны хайди даа турғызарға киректелчеткенiнең чарасханнар паза хабасчаң оңдай табарға молҷааннар. Аннаңар сағынчам, хумартхы тасты турғызарына чаа араласчыларынаңар толдыра искiрiг чыыларға кирек, анда пазылбин халған аттар чох ползын!
Аалның 200 чылына тимнелген пiчiкте 34 кiзiнiң ады кирiл парған:
БОРГОЯКОВТАР: Василий Айданович (Айдолаевич), Дмитрий (Саргол) Владимирович, Егор Иванович, Кана Николаевич, Карп Николаевич, Константин (Каска) – пабазының адын пiлбинчебiс, Кузьма Маркович, Кузьма Уренекович, Кулей Егорович, Митрофан (Чурас) Аверьянович, Михаил (Абаҷах) Владимирович, Михаил Владимирович, Николай Иванович, Павел Николаевич, Павел Сараханович, Панфил Никифорович, Хара пала Маханович;
КИЧЕЕВТЕР: Карбанак Терентьевич, Хойраң Егорович (Тискенович);
КЫЗЛАСОВТАР: Александр Николаевич, Андрей (Чакай) Николаевич, Павел Николаевич, Самуил Николаевич, Тимофей Николаевич;
ПАХТАЕВТЕР: Андрей (Атскуң) Васильевич, Владимир Владимирович, Мерчик Владимирович, Оолах Ир Тончевич, Петр Васильевич, Сурка Владимирович, Чурук Аланович;
ТОМОЧАКОВТАР: Ананий Владимирович, Иван Семёнович, Иосиф Маркович.
Аарлығ арғыстар!
Сiрернiң Илимор (Чахсы Хоных) аалда тӧреен-ӧскен, Илбек Ада чаада араласхан, чаадаң айланмаан, анда чат халған алай iзi чох чiт парған ағаларыңның, туғаннарыңның ады пу пiчiкке кирiлбеен полза, Алиса Боргояковаа пу телефонҷа сығдырадарға чарир: 8-902-467-79-73. Чааҷыдаңар искiрiглер паза сомнар пар полза, iдӧк мағаа https://ok.ru/natalya.borgoyakova пазарға чарир.
Следующая публикация
Нет комментариев